Dau 31 de març au 5 d’abril, lo còr dau departament aurà la tifa-tafa au pè de la ròca espatluda…. -antau disiá Albèrt Arnavielle dau Piòg de sant Lop – Sant Martin de Londres fa sa setmana occitana.

Miquèla Stenta ne farà l’estrena, tre lo dimars 31. Acompanhada per la violonaira Delfina Chomel nos dirà tèxtes de Max Roqueta de sos « Songes capturés ».

Serà l’endeman Claudi Alranq per « L’esperit dels luòcs » dins un cafè-conferéncia.

Lo dissabte, après una passejada botanica sus las tèrras del Pic e -solide- una tasta de vin ausiretz tindar la Campana de Magalona en l’onor de Biscam-pas / Gustau Thérond que nasquèt a Sant Martin de Londres en 1866.

E puòi cantarà lo Cocut (se son tornats de la tasta de vin!)