Adieussiatz
L’agenda escolara en occitan 2024-2025 es en preparacion…
Dempuèi qualques annadas, Maurici Romieu nos fa lo plaser e l’onor de nos acompanhar cada dimenge : provèrbis o locucion, nom de las plantas, origini dels mots…
Un mercé bèl a el !
Per l’edicion venenta, es a vosautres de “jogar” (trabalhar ?) : avèm besonh d’un 50tenat de citacions, cortetas, en occitan d’origina (pas reviradas d’una autra lenga) e/o de vèrses de poèmas. Tota varetat acceptada 😁
Se n’avètz en cap (o sus un tròç de papièr o dins lo telefonet…) mandatz-me doas o tres. Mercé !
😉Se jogatz lo jòc e qu’avèm pro de citacions e/o pro de vèrses, farem una edicion amb “sonque” de citacions o sonque de vèrses, e servarem lo demai per l’edicion seguenta. Seriá de segur l’ideal (e seriam tranquiles per 2 annadas !).😎
Costat “tecnic” : cortet, es cortet !!! Pel nombre de caractèrs, sèm a 300-320 MAXI, espacis compreses, per l’ensem : citacion + nom d’autor·a + títol de l’òbra…
Es cortet !
Coma partissi en fisança sul nombre de responsas que vau recebre, vos mercègi d’avança e vos demandi de romegar pas se trapatz pas tot çò qu’aurètz mandat dins l’edicion venenta ! Me caldrà segurament far de causidas (amb un critèri plan util : la data d’arribada !)
A vos de jogar !
Al còp que ven,
Corinne
Corinne Lhéritier
per l’associacion Terrairòl

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.