
Vos esperam en Roquetia per un novèl cafè descabestrat:
lo Divendres 27 de novembre a partir de 19 oras a la Calandreta La Garriga camin de Carabòtas* a GINHAC
Un cafè sus La cosina de bòrda, temps a, en Arièja menat per l'amic Alan Vidal
LA COSINA DE BÒRDA, TEMPS A, EN ARIÈJA
Aquela intervencion es una presentacion de cossí se manjava cap a la mitat del sègle passat, dins una bòrda de la plana d'Arièja. I cal pas cercar d’autras pretencions de qué que siá.
S'i parlarà de las caracteristicas, dels ingredients, dels plats d'una cosina que semblariá d'un autre temps. Mas se poiriá benlèu que tornèsse de mòda.
Es tanben e sustot, l'escasença de parlar la lenga populara de l'endreit, un lengadocian que les erauteses deurián aisidament entendre.


e coma de costuma sopar partejat: “Venètz e portatz”.
Quau de beure, quau de manjar, quau de dire…
* PER TRAPAR LA CALANDRETA de GINHAC, es camin de Carabòtas, còsta lo licèu agricòla.
A750 dusca a Ginhac, 1ra sortida (mèfi es missanta a 130 a l’ora) après lo pont sus Erau per los que davalan de Lodèva o que venon de Besièrs; 2nd sortida per aqueles que montan dau Clapàs. Arribatz dins una giradoira direccion Belarga, Canet, Montanhac en daissant Ginhac dins l’esquina. Un parelh de quilomètres, una autre giradoira. 1ra a drecha es lo camin de Carabòtas que vos cau davalar. Après lo licèu agricòla auretz la Calandreta aquí tocant.
Se coma los Innocents passatz per Niana, a l’arribada dins Ginhac cau tirar drech (es un biais de dire qu’es pasmens melhor de faire lo torn de las giradoiras). Direccion Belargà, Canet, Montanhac. Daissar la zòna comerciala a man drecha (Intermercat, …) e sautar l’autovia en sortissent dau vilatge. Ginhac dins l’esquina, un parelh de quilomètres dins lo campèstre, mai una giradoira. 1ra a drecha, cau davalar cap a Erau lo long dau licèu agricòla. La calandreta polideta es aquí tocant, un bastiment de fusta au fons de la cort, una grasilha blanca.
Se tombatz dins Erau amb la veitura es que sètz anats tròp luònh.
Aquel qu’es pas content, que se crompe un GPS o que me sone 06 65 17 40 85…
Un cafè òc rendut possible mercé la DRAC Occitanie, l'IEO OPM, l'IEO34
organizat per la Calandreta la Garriga e lo Cercle occitan Max Roqueta




