
LO MONDE DE LA MAR
LO MONDE DE LA MAR
Botatz l’escafandre e anem vistalhar lo país de jos las èrsas!
• Lo mercand de pèls d’anguialas farà pas fortuna.
• Se vei las pèiras per faire sa tela l’aranha de mar.
• L’arenc se met pas en rengada.
• La balena presa la sal.
• Lo bernat-l’ermita se mesfisa de las arnas.
• Lo buccin fa tindar lo tòca-senh.
• Ai! L’agach amar d’un calamar!
• Barbut e barbuda barjacan.
• La bonita es pas d’ebonita.
• S’es copada la camba, la paura cambaròta!
• Vira, vira lo capelet del capelan!
• Per la carmarina, tot l’an es carnaval.
• Traparetz pas de cavilhon dins lo riu de Cavalhon.
• La civadeta espèra sa racion de civada.
• La clavelada, magrinèla coma un clavèl..
• Gronc, gronc, gronc! canta lo congre.
• Lo cranc fa totjorn un pas de costat.
• Lo peissonièr de Soissons se garda de vendre la clovissa dins de vases.
• Lo coralh a totjorn un tren de retard.
• Los crustacèus son bons cuèits.
• La daurada sòmia de Tolosa e de Garona.
• L’escrabida te/se salva la vida.
• Arribaràs pas al cap del camin s’avanças coma una escabrida.
• Flatas que flataràs, lo flatan.
• A tu, fugu ! Redond coma una poma!
• Gronha, gronheta lo gronhau!
• Totes los Haddòks acabèron pas al paddòk.
• Los krills a la grasilha!
• Avètz legit las aventuras de Martina la lagostina?
• La lagostina se veiriá plan al fons d’una tina.
• Lo lampreson anirà (pas) en preson.
• La langosta tastariá de tot.
• Lo ligombau crenta lo babau.
• Lo lop es un pilar d’estanquet.
• La medusa de son poder abusa.
• Lo merluç cèrca la lutz.
• Merluç es pas merluça.
• Lo merluçòt jòga al cluquet.
• Quna brandida se prenguèt la merluça.
• Lo mero jamai farà una error.
• Es totjorn tant nèci lo mostre del Lòc-Nèss.
• Lo muscle, res dins lo cap, se crei lo mai fòrt.
• La nacra enregistra sus son nagrà.
• L’orsin jòga amb un orsonet de pelussa.
• L’orsin es l’eiriç de la mar.
• La palaiga a l’aiga totjorn i va.
• Lo patasson es un brave polisson.
• Peis-espasa es pas un don del Cèl!
• Fòl-a lo/la que vòl ensenhar als peisses de nadar.
• Lo pofre se passa lo temps a comptar sos tentaculs.
• Traparàs pas lo camin dreit se fas l’uèlh de pofre.
• La rascassa es rascanha.
• A l’ora de punta, una sarda gausariá pas de montar dins lo metrò.
• La sépia escriu amb tinta per que tot se sapie.
• Qual-a sap preparar una torta de tortèls?
• L’ustra pòt aver una pèrla, mas pas un colar.
• Lo vairat sovent varia.
• Jamai de la vida cridarem Viva! per una viva.
Vaquí, es tot: qu’avèm pas dins l’èime de davalar fins a vint mila legas jos la mar!
Degun-Peissonalha Roch
