ARIÈJA, MON PAÍS
Aprèp enquistas proverbialas menadas dins Aude, Erau e Tarn, nòstre etnològ-filològ-paremiològ a pres lo camin d’Arièja per vos balhar las devisas (d’una autenticitat mai que dobtosa) de cada comuna del departament.
A Aigasjuntas, junta de buòus. A Aigasvivas, l’aiga val mai que lo vin. A Alhartenh, qual a, ten. A Albièrs, i cal èsser d’ora. A Aliat, traparàs d’amics. A Alhèras, las galinas per l’ièra. A Alòs, an pas de carn suls òsses. A Alzenh, son totes pegòts. A Angomer, pòdes tot engolir. A Antràs, tot se passa detràs/als trastes. A Api, seretz plan uroses. A Argenh, te gèines pas/son pas dins la gèina. A Arnhac, los ases an de nhac. A Arnava, trapa la cava. A Arrienh, traparàs pas res. A Arrot, tot es rot. A Artigas, còp de bigòs. A Artigat, mai d’ortigas que de gats. A Artitz, son totes artistas. A Arvinhan, soquets de vinha. A Ascon, totes a la tasca e al taçon. A Aston, los poletons a l’aston. A Aucasenh, tot es d’ocasion. A Audressenh, mancan pas de sen. A Augirenh, viras que viraràs. A Aulòs-Sinsat, i anes pas sense saca. A Aulus dels Banhs, traparàs la lutz al fons del gorg. A Ausat, cal gausar. A Ax dels Banhs, pas de corsa landesa lo jorn de la vòta. A Axiat, tot vira a l’entorn de l’ais.
A Bagèrt, tot es verd. A Balacet, faràs lo balanç. A Balaguèras, passaràs gaire la balaja. A Barjac, traparàs un jaç. A Baulon, tres sòuses los cinc bolons. A Vedelhac, son totes ainats/capdets. A Vedelha, pas d’ora per vedelar. A Bèlestar, seràs plan. A Bellòc, tot es polit. A Benac, nhica-nhaca. A Benagas, lo benastre. A Benais, son totes plan nascuts. A Becet, un bensai val plan un benlèu. A Bestiac, biti-biò pel bestial. A Bèthag, tres mirgas per un gat/tres amigas per un gojat. A Besac, l’andusac. Biert, la bona pinta. A La Boicha, tombes pas al fons del trauc. A Bompàs, vai-i/te’n cal anar d’un bon pas. A Bonac e Irasenh, i van las bravas gens. A Bonac, cada nhac es bon. A Bòrdas-Uchentein, cada bòrda a son gos. A Boan, es totjorn cap d’an : son sens atge. A Bocenac, pòrtan bon sac de dardenas. Al Bòsc, vendràs Domaisèla. A Braçac, la man dins la saca. A Brèbe, corrís la lèbre. A Bria, fan de formatges. A Burret, tot lo vin dins las buretas de la glèisa. A Busanh, cal pas abusar. A Cadarcet, cardar balha set. A Caixàs, plan vièlh lo cachat. A Calzan, pòrtan calças. A Camarada, son totes amics/companhs. A Camon, pintrariás lo cap del monde. A Campanha d’Aisa, arrestaràs pas de rire. A Canté, se canta que cante… A Capolet, cada ola a sa sòrre junta. A Carcanièra, las nièras pels bòsques. Al Carlar de Baile, mestrejaràs lo monde/seràs lo mèstre. A Carlar de Ròcafòrt, pèira sus pèira, faràs ton formatge. A Castèthnau de Durban, t’assetaràs sul banc del castèl. A Casteràs, l’èrba rasa al pè del castèl. A Casteths, verifica l’òli dins lo motor/te creiràs ministre. A Castilhon, lo camin dels castèls en Castilha. A Caumont, auràs pas freg. A Causson, las pomas en cauçon.
(de seguir).
Terrian-Coratjós Roch
0 commentaires