Brave monde, vos prepause de vos jónher a nautres per una passejada en occitan de descobèrta dau Cailar d’Erau e de la Covertoirada, lo divendres 22 de mai.
Serem acompanhats per l’òme dau luòc, l’amic Pèire Còste que sa bona lenga nòstra e son biais de contar fòrçan l’admiracion… e que lo mond tot nos envejan.
Nos retrobarem a 10 oras per una lectura contada de l’Aubre Mèstre dau Cailar, un aubre escalprat que ditz mai qu’un libràs la vida d’aquesta tèrra. Se cau afanar que lo cusson trabalha…
Rendètz-vos a 10 oras au pè de l’aubre.
Dinnar tirat de la saqueta, partirem puòi a la Covertoirada.
(Tot aquò es a ren non cost levat la gasolina que vos caudrà gastar per venir.)
Mercés de me dire aqueles que se pensan de nos acompanhar per organizar co-carreg e esperar los retardataris eventuals. Per mèl o telefonet 0665174085.
Podètz faire seguir a las vòstras còlas respectivas, als amics occitanistas o interessats per la lenga nòstra, (de notar que la passejada serà en occitan de cap a cima) podètz tanben menar la bèla maire, lo chin, lo cat o lo peis roge. (o una cantina de vin. Fornisse lo tiratap.)
De mancar pas se me’n cresètz.
Domenge
0 commentaires