Jornalet es gratuit. Totom i pòt accedir, ne legir totes los articles e participar als comentaris sens pagar res pr’amor que cresèm que l’accès a l’occitan a d’èsser universal, sens barrièras. Mas aquela universalitat es possibla gràcias a una comunautat de legeires que pòrtan totjorn lor sosten al projècte.
Ara se sarra la barradura de l’an e, coma tostemps, nos trobam amb de problèmas de liquiditat per afrontar qualques despensas inevitablas. Per aiçò, fasèm tornarmai una crida als dons. Se nos volètz ajudar?
Dempuèi 2012, Jornalet a crescut amb lo ret e amb la societat. Fasèm nòstra evolucion sens pèrdre jamai l’engatjament pel jornalisme, per la lenga, pel país. Sèm —e volèm contunhar d’èsser— un jornal coratjós, rigorós e engatjat.
Ongan, avèm fachas d’avançadas importantas: avèm corregidas d’errors dins nòstre sistèma informatic, avèm melhorat lo jòc del Mot Amagat, avèm incorporat lo boton “m’agrada” per avalorar los articles, e ja fonciona un Conselh Consultatiu de joves occitans que cada setmana trabalhan amb un expèrt en estrategia per imaginar lo Jornalet de deman.
Sèm lo quotidian de l’Occitània que refusa de pèrdre la lenga que li balha son anma. Un mèdia centrat sus nòstre país que rapòrta çò que se passa dins lo Mond entièr sens pèrdre de vista d’ont venèm: d’Aran al Creissent, e de Medòc a las Valadas de Piemont.
Sèm ara una comunautat. Jornalet es un quotidian, cèrtas, mas es tanben un espaci partejat entre d’occitanofòns de tot lo territòri, separats sovent per de longas distàncias fisicas mas amassats dins un sit Internet ont partejam una lenga comuna amb la tòca de li donar dignitat e de li far tornar prene son ròtle natural de lenga d’usatge social. Dins aquel sens, Jornalet vòl èsser un sit de dialòg, de bastiment collectiu e d’escota mutuala.
Se nos volètz ajudar a contunhar de far créisser aqueste espaci, es indispensable que participetz en comentant los articles, en nos mandant de proposicions de nòvas o en partejant nòstras paginas. A mai, se podètz, un don vòstre es essencial per que Jornalet contunhe d’èsser una votz que proclama en occitan que l’occitan vòl viure.
-
Podètz far un don en linha sus aqueste ligam: https://donate.stripe.com/8wMbM9c3f4uP8XS004
-
Podètz mandar un chèc a l’adreiça aquesta: LOS AMICS DE JORNALET / 6 Carrièra Victor Hugo / 11500 QUILHAN (òrdre: “Los Amics de Jornalet”)
-
Se preferissètz de far un transferiment bancari sus nòstre compte, demandatz-nos lo RIB.
0 commentaires