Sovent citats per evocar la literatura, la civilizacion e l’importància de la cultura occitana dels sègles XII e XIII.

Ensagem de ne saber un pauc mai sus l’art dels trobadors.

Es un art que daissa a la femna una plaça importanta dins la concepcion de la relacion amorosa.

La poesia, l’amor e la musica son las donadas màgers de la produccion dels trobadors.

La poesia es escricha per èsser cantada. Los genres son nombroses, ne vaquí qualques unes :

-La cançon, genre màger quasi totjorn consacrada a l’amor

-Lo « sirventés » es una satira personala, morala o politica.

-La « tenson » e lo « partiment » son de dialògues dins los quals son sostenguts d’opinions contràrias…

L’amor dels trobadors : L’an pas inventat, mas lo sens qu’an balhat a aquel sentiment es pròche de la concepcion modèrna.

L’amor cavaleirós : la Dòna se dèu meritar per d’actes de coratge, fins a la mòrt ! L’acte sexual es la resulta normala. Leialtat e fidelitat son las valors mai importantas d’aquel amor que se realiza dins l’egalitat teorica dels dos galants.

L’amor cortés : Es adultèr. La dòna es d’un rang social mai naut que lo galant. Umilitat e  mesura son doas qualitats màgers. Lo galant cortés se contenta d’un poton, d’amistat… Es un amor impossible, pròche de l’amor mistic !

D’autres tèrmes caracterizan la concepcion del mond pels Trobadors : « Jòi » exaltacion de la dòna aimada e de l’idèa de l’amor…, jovent, joventut de còr, « Paratge » sentiment d’egalitat dels òmes entre eles…

La poesia dels Trobadors es cantada. Lo public e los creators estacavan una importància  plan granda a la musica…

Per se documentar, anar sul site del CIRDÒC o dins de librariás, bibliotècas…

Al còp que ven !