L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA.
Ivona BEAUME, Mèsa, lo 12 de novembre de 2022.
Conversacion captada a l’asard d’una passejada :
Sus un banc, se daurant als darrièrs (?) rais del solelh d’auton, tres òmes d’atge madur, avián una conversacion a quita-pren, coma se ditz, sus la religion.
Aquela conversacion, al ton empren de cortesiá, m’incitèt a m’arrestar per ocupar la banqueta la mai pròcha d’eles : simpla curiositat. Es entau que n’ausiguère qualques micas.
Un disiá, amb granda certituda, qu’èra pas possible qu’un monde tant bèl siá l’efèit del sol azard. E fasiá remarcar que totes las civilizacions avián volgut venerar un Dieu. De còps mantunes Dieus.
Autant de parapluòjas contra las nafraduras del mond ; e dins fòrças religions creson dur coma fèrre que sufís d’estar suau sus Tèrra per se ganhar lo cèl.
Es vrai qu’aquel òme lo vesèm cada dimenge a la sortida de la messa, e es benevòl dins d’associacions de benfasença de la comuna. Donc foguèt pas una suspresa de l’entendre.
Lo segond, l’aire laguiós, li respondèt : ieu sabi pas. De jorns me disi coma tu que tot aquò es tròp bèl per s’èstre fach tot sol. Mas quand la situacion vira a la catastròfa, me disi : de qu’an fach aquel mond per qu’un parièr cataclisma li tombe sul cap ? E aqueles enfants, victimas innocentas, qu’an pas solament agut lo temps de far qué que siaga de missant ? an meritat aquò ? Quin es lo Bon Dieu que voldriá aquò ? Alara ieu dobti. Cresi que lo mond que s’expriman ben apèlan aquò èstre agnostic. Òc es aquò, devi èstre agnostic.
Agnostic. Tè fariá plan de casar aquò dins un sopar selèct…
Lo tresen òme, que pel moment èra demorat mut, finiguèt per dire : ieu me pensi que se la religion m’a pas agut amb los jorns feriats, las licors e los camembèrts, es que devi incurable. Vaquí, soi incurable…mas ma vida es pas encara acabada…
E ieu, aquel jorn, me faguèri la remarca que los tres òmes èran estats capables, amb lor estat d’anma, lors dobtes o lor cranariá de se parlar en monde civilizats, cadun avent sauput respectar l’autre.
Alara, aver o pas aver la fe, es l’afar de cadun, al mai prigond e al mai intime de se.
L’essencial estant que daissiam per totjorn las guèrras de religions luènh darrièr nosautres, que cal reconéisser que de guèrras, n’i a ben pro sens aquò !
CROIRE OU NE PAS CROIRE, TELLE EST LA QUESTION.
Conversation captée au hasard d’une promenade :
Sur un banc, se dorant aux derniers (?) rayons du soleil d’automne, trois hommes d’âge mûr, avaient une conversation à bâtons rompus, comme on dit, sur la religion.
Cette conversation, au ton empreint de courtoisie, m’incita à m’arrêter pour occuper la banquette la plus proche d’eux : simple curiosité. C’est ainsi que j’en entendis quelques bribes.
L’un disait avec une grande certitude, qu’il n’était pas possible qu’un monde aussi beau soit l’effet du seul hasard. Et il faisait remarquer que toutes les civilisations avaient voulu vénérer un Dieu. Parfois plusieurs Dieux.
Autant de parapluies contre les blessures du monde ; et dans de nombreuses religions on croit dur comme fer qu’il suffit de se tenir à carreau sur Terre pour gagner le Cièl.
Il est vrai que cet homme nous le voyons chaque dimanche à la sortie de la messe, et il est bénévole dans des associations de bienfaisance de la ville. Donc ce ne fut pas une surprise de l’entendre.
Le deuxième, l’air soucieux, lui répondit : moi je ne sais pas. Certains jours je me dis comme toi que tout cela est trop beau pour s’être fait tout seul. Mais quand la situation tourne à la catastrophe, je me dis : Qu’ont fait ces gens pour que pareil cataclysme leur tombe sur la tête ? Et ces enfants, victimes innocentes, qui n’ont pas même eu le temps de faire quoi que ce soit de méchant ? Ils ont mérité ça ? Quel est le Bon Dieu qui voudrait ça ? Alors je doute.
Je crois que les gens qui s’expriment bien appellent ça être agnostique. Oui c’est ça, je dois être agnostique.
Agnostique. Tiens ça ferait bien de caser ça dans un dîner sélect…
Le troisième homme, qui pour le moment était resté muet, finit par dire : moi je pense que si la religion ne m’a pas eu avec les jours fériés, les liqueurs et les camemberts, c’est que je dois être incurable. Voilà, je suis incurable…mais ma vie n’est pas encore achevée…
Et moi, ce jour-là, je me fis la remarque que les trois hommes avaient été capables, avec leur état d’âme, leur doute ou leur crânerie de se parler en gens civilisés, chacun ayant su respecter l’autre.
Alors, avoir ou ne pas avoir la foi, c’est l’affaire de chacun, au plus profond et au plus intime de lui-même.
L’essentiel étant que nous laissions pour toujours les guerres de religions loin derrière nous, car il faut reconnaître que des guerres, il y en a bien assez sans ça !
0 commentaires