Atlàs de las formulas geograficas (1)  

Fa gaire vos explicavi que los noms de luòc son portaires d’istòria e de culturas. Doblidèri de vos dire que son tanben portaires d’imaginari. Per ne faire la mòstra, vos fau la tièra de quauques exemples posats aicí en tèrra d’Òc o plan luènh que sèm capables d’aver un agach planetari. Aquelas formulas s’apièjan sus un nombre consequent d’informators que, de fait, se resumisson… a ma persona.

Ne vaquí doncas un primièr grop.

A-K (coma se ditz en maori)

Anèt a Abu Dhabi e se trapèt tot nus.

Addis-Abebà: ne manca un per faire una còlha de fòbal.

A Agde, pren consciéncia de tos actes.

A-z-Albi, lo crit popular de raligament es: «Al vin! Al vin!»

Anar a l’hammam a Amman.

Una vida d’amstèr dins lo pòrt d’Amsterdam.

Un banh al monòi a Anòi.

Cal saupre esperar l’arlatenca a Arle.

A Auckland, recòlta d’aglands.

Mesfisatz-vos dels baugs d’Aush.

Bamacò? E se va pas es çò-mèmes!

Cal èsser plan bèstia per pas anar a Bastià.

Èsser general es un Bèlgrade.

Al volant d’una berlina a Berlin.

Las bimbòs van sus las platjas de Bilbò.

Tròp de borbolhs a la Borbola.

Ziga-zaguejar a Bosigas!

Fa pas bon èsser caulet a Brussèlas!

A Bucarèst, qual-a i va, i demòra.

Mancan pas d’aire a Buenos Aires, peròn pòm-pòm!

La bèla de Cadix te finta de sos uèlhs velosats.

La bèla de Cadix ten d’uèlhs coma de ròdas de velò.

Al Caire, los faraons tenon forca d’aur.

Cambrai a pas lo monopòli de las bestiesas.

Lo canh de Bèrra jamai veirà Canberrà.

Quand veiràs Canberrà, i seràs!

Mal de cap al Cap!

Cacaracac a Caracàs!

Carn de tois a Cardif.

Botar un cardigan per anar a Cardif.

Entratz, entratz doncas: sètz arribats a Carpentràs.

Blat negre a Castèlsarrasin.

Faciadas de cauç a Caurs.

I a pas de camèl a Chamonix.

La vida es plan cara a Chèrborg.

Quant de cagadors a Chicagò?

Fan virar las machinas en China.

Dobrir son clapet al Clapàs.

La plana es escura a Clarmont.

Totes los colombs venon pas de Colombia.

Davalar en autocarri a Dakar. 

L’univèrs sens pietat de Dallàs.

Tantas damas sul camin de Damàs.

Cossí balhar mai a Damàs?

Mancan pas de sal a Dusseldòrf.

Manquèri de venir capbord a Edimborg.

Davalèron a Edmonton.

Se vendon espardenhas a Esparta.

Resèrvas de fustas d’òlm a Estocòlm.

Es al Finistèra que comença la mar.

Cal pas arribar en retard a Gibraltar.

Sul glaç, en abans a Glasgow!

Las graulas fan una pausa a Graulhet.

Las bruèissas de Salèm aniràn a Jerusalèm.

Lo cat jogava de la mandolina a Katmandon.

Cartografic Roch

(de seguir)