« Urós qui coma Ulisses…

Adieu brave monde,

Vos escrivi uèi de Brussèlas ont demòri perque, aprèp força annadas passadas a viatjar defòra, me’n vau tornar definitivament dins Erau en setembre/octobre, e soi a cercar de trabalh.

Cerqui pertot dins Erau, de Frontinhan fins a Narbona (qu’es pas dins Erau mas va plan), e de Serinhan fins a Lodeva, dins los sectors socials, educatius e de l’ensenhament, o dins de luòcs de cultura (non pas
las vinhas, mas las bibliotècas e tot aquò).

Me cal confessar qu’aquí vos escrivi en occitan, per lo plaser e per o practicar un pauc, mas soi pas segur que poiriái l’emplegar plan oralament ja per trabalhar. Çò qu’es segur es que me formarai quand serai tornat al país, mas d’en primièr me cal saber ont trabalharai e
ont trobarai un lotjament.

Aital me permeti de vos trasmetre mon C.V.. Esitatz pas a intrar en contacte amb ieu se volètz mai d’informacions o, s’ausissètz parlar d’un pòst dins lo caire que correspondriá a mas qualificacions, a o faire virar.

Grandmercés a vosautres per aver pres lo temps de me legir, e a Domenge e l’IEO Erau d’aver trasmés aquel avís.

Vos desiri una plan bona jornada a totas et totes.

Matiàs »