Viatge en Grècia antica

Francament e occitanicament, èra pas brica una sinecura d’èsser dieu, divessa, eròi o nimfa del temps passat dins la Grècia antica. An embelinat los racontes, mas vos tendrai aicí unes prepaus e vos balharai informacions que se sarran al mai prèp de la vertat vertadièra. E me podètz creire se ba volètz plan !

 Activitat : « Faire e desfaire es totjorn faire » e de longa Penelòpa fasiá e desfasiá.

 Amor : Arribèt un moment ont i tenguèron pas de fornir sens fin sagetas a l’Eròs.

 Aucèl: Icara se poguèt envolar mercé a una ala deltà.

 Banhat: En principi, l’Arquimèdes passava de la banhadoira a la piscina, puèi preniá una docha abans de tornar dins la banhadòira e aquò sens cap de pression !

 Beure: Los jorns de secada, Dionisòs se plorava : « Un jorn sens vin es un jorn sens fin… »

 Blagaira: Non se pòt creire totas las afrositats que podiá dire l’Afrodita sus las vesinas e las collègas de divinitat.

 Cançoneta: « Fiala, fiala la lana…… ». Es la primièra version coneguda de la cançon de las Fialairas que sansonhava l’Ariana.

 Cançons: La Melpomèna se cresiá la musa dels cants e de l’armonia municipala, mas jamai la daissèron participar al concors de l’Eurovision !

 Capitala: Pas question de viure dins un vilatjòt de provincia per l’Atenà.

 Complexitat: L’Oedipe èra la rei de las responsas a l’Esfinx, al Jòc dels mila dracmes, a Question per un campion, a Daissa o Doble, als 12 Còps de miègjorn,… Mai la question èra complèxa, mai lèu trapava la responsa !

 Comunicacion: Adès, adès tornarà l’alba e los problèmas reprendràn pel paure Adès amb sa femna, la Persefòna, totjorn al telefòne. Coma se dieusses e divessas ba vesián pas tot e ba sabián pas tot sens aver la necessitat de mandar SMS e de tui-tuitejar!

 Disputas: Coma picas d’eirices, los pelses d’Erís se quilhavan sus son cap se li portavetz la contradiccion.

 Ermàs: Es pas en corrent pels ermasses que l’Ermès emplenarà la saca de blat.

 Estelas: Cada ser, Apolòn s’assetava sul sèrre e fintava las estelas amb l’esper fòl d’un viatge dins un vaissèl espacial.

 Faure: Auriá plan fargat un martèl per la Demetèr lo faure Efraïstòs, mas jamai dins lo temps long de la mitologia se crosèron.

 Fòc: Totjorn a canturlejar « Anuèit, vos botarem lo fuòc !… » l’Estia e cluquejava verd, irange, roge, verd, irange, roge…

 Foliá de las grandors: « Val mai la tina que lo barral ! », çai veniá lo Diogèni.

(de seguir)

Grammateus Roch

blue and yellow bird on brown tree branch

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.