Lo contejaire e lo sufix "aire"
Lo contejaire e lo sufix « aire »
“Contejaire”( aire prononciacion a la “francesa”[aÏré]) es un escais-nom qu’ai creat aquò fa un brieu !!
Mas en occitan, de mots amb lo sufix “aire” se’n trapa mai d’un !
Per exemple a partir del vèrb aurem : contar, contaire…
Atencion, totis los mots en aire son pas formats a partir del vèrb coma paire, maire, fraire… !
Uèi anam veire mots amb lo sufix “aire” .
Lo caçaire e lo pescaire. Se ditz “Lo vent es pas caçaire ni pescaire”. Cal demorar a l’ostal o faire de velièr !
Per la musica : los musicaires : un autboissaire (aquí es a partir del nom autbòi), un cabretaire (chabretaire en Lemosin), un bodegaire, un trompetaire, un cantaire e un cançonejaire (fa de cançons, canta)…
De mestièrs : Lo podaire, serà lèu lo moment e se caldrà vestir (“vestit coma un podaire” es a dire plan caudament), los vendemiaires, un estamaire, un lauraire, un galinaire, un ensenhaire…
Dins la vida vidanta se trapa força expressions amb de mots en « aire » :
« Aquel es un bartassejaire de primièra, es lo rei de las espargues ! » o encara « Per bracejar , braceja es un bracejaire de primièra ! », « Pecaire, as pas capitat ! » , « Es jamai content, un brave repotegaire lo Manjaceba ! » , « Aquel es fièr coma un castanhaire ! »
E los « Caminaires » ? Es un grop de 12 musicians e cantaires . An, fach una formacion professionala organizada per Sirventés (Severac d’Avairon). Son venguts al Somnambul de Ginhac . Un repertòri occitan tradicional, tornar travalhat : musica modala, instruments a vent, a còrdas, percussions, et una ora e mièja de plaser ! Anatz sul sit de « Sirventès » per d’entresenhas sus los « Caminaires » aquel grop jove al talent de primièra !
Cal caminar, cal caminar… !
Al còp que ven !
Zon, e tenètz vos fièrs !
Le contejaire et le suffixe “aire”
“Contejaire”( aire, prononciation à la “française”[aÏré]) est un surnom que j’ai créé cela fait un bon moment !
Mais en occitan, des mots avec le suffixe “aire” il y en a à foison !
Par exemple à partir du verbe nous aurons :conter, conteur…
Attention , tous les mots en aire ne sont pas formés à partir du verbe comme père, mère, frère… !
Aujourd’hui nous allons voir les mots avec le suffixe “air” .
Le chasseur et le pêcheur. On dit “Le vent n’est ni chasseur ni pêcheur”. Il faut rester à la maison ou faire du voilier !
Pour la musique : les musiciens :un Hautboïste(ici à partir du nom hautbois), un joueur de « cabrette »(« chabrette » en Limousin), un trompettiste, un chanteur …
Des métiers , Le tailleur, ce sera bientôt la saison et il faudra s’habiller avec des « épaisseurs(“vêtu comme un tailleur” c’est-à-dire très chaudement), les vendangeurs, un chaudronnier,un laboureur , un marchand de volailles, un enseignant…
Dans la vie quotidienne on trouve beaucoup d’expressions avec des mots en « aire» :
« Celui-là est un bartassejaire de première, est le roi de las asperges ! » (« fouilleur de buissons, va partout… « Pour gesticuler , tu gesticules, tu es un bracejaire de première ! », « Peuchère, tu n’as pas réussi ! » , « Tu n’es jamais content, un brave râleur le Manjaceba ! » , « Celui-là, il est fier comme Artaban ! »
Et les «Caminaires » (les marcheurs) ? Un groupe de 12 musiciens et chanteurs , ayant fait une formation professionnelle organisée par Sirventés (Sèverac d’Aveyron). Ils sont passés au Sonambule de Gignac . un répertoire occitan traditionnel, retravaillé : musique modale, instruments à vent à cordes, percussions, le tout pendant une heure et demie !. Allez sur le site de « Sirventès » pour des renseignements sur les « Caminaires » ce jeune groupe (âge et création) au talent immense !
Cheminons,cheminons… !!
A la prochaine !
0 commentaires