PV AG 2025 et AG Extraordinària  IEO34

Dimenge 27 d’abril de 2025, sala Jòrdi Brassens – CLARMONT D’ERAU

Es sus un gròs 10 oras que le President Albèrt ARNAUD dobrís la sesilha en mercejant los Tega – Los de Clarmont d’Erau per sa bona aculhença.

Micaëla Roques, presidenta dels Tega-Los nos ditz la benvenguda e merceja la comuna de Clarmont d’Erau per lo prèst de la sala.

Puòi En ARNAUD rementa l’òrdre dau jorn :

• 9h30 acuèlh dels participants
• 10h00 dobertura de l’AG
• 10h 10h45 presentacion e vòte dels diferents rapòrts moral, d’activitat , financièr.
• Presentacion e vòte de la mesa a jorn dels estatuts de la seccion.
• 10h45 – 11h30 Ponch sus las relacions e evolucions dels diferents nivèls de l’IEO, lo sistèma de gestion Galeta, lo partenariat amb lo departament per lo geopargue.
• 11h15 – 12h00   paraula als aderents
• 12h00 recepcion dels elegits et Vin d’onor.

Presentacion dau rapòrt moral per Albèrt Arnaud, dau rapòrt d’activitats e dels projèctes per Domenge Caucat lo salariat de la seccion departementala, dau bilanç financièr per lo clavaire Danís Plancade.

Los diferents rapòrts son someses als vòtes dels presents.

Compte rendut dels vòtes

Participacion :

Inscriches : 158

Votants : 70

Poders : 18

• RAPÒRT MORAL E D’ACTIVITAT 2024  :

Aprobat a l’unanimitat

• BILANÇ FINANCIÈR DE 2024 :

Aprobat a l’unanimitat

L’AG se tracha de l’objècte de l’AG extraordinària per mesa a jorn dels estatuts. Los aderents aguèron la possibilitat de los consultar en linha. Domenge n’expausa las modificacions bèlas prepausadas.

L’AG demanda clarificacion dau tròç que pòrta sus lo renovelament dau conselh d’administracion que serà antau modificat :

« Lo mandat es d’una durada de 6 ans. Lo renovelament dau conselh ten luòc cada dos ans per tèrç ; los membres sortents son tornar eligibles. Lo primièr tèrç de renovelar a l’expiracion dels dos ans serà causit a la palheta au moment dau primièr conselh d’adaministracion que seguirà l’AG ».

• Modificacion dels estatuts :

Aprobada a l’unanimitat

Josiana Daunís, après i èsser estada convidada per lo president, expausa la situacion de l’IEO Federal abans son AG de Bordèu dels 9, 10 e 11 de mai. Parla tanben dau projècte una Alternativa per l’IEO. Un escambi s’enseguís e de precisions son demandas mai que mai quant au biais de donar poder.  Josiana e Domenge anaràn a la pèsca a las informacions e las faràn seguir.

Son puòi las intervencions dels cercles per presentar sas activitats.

Sus lo còp de miègjorn, lo president Albèrt Arnaud conclús lo trabalh de l’AG, Na Barral elegida a la comuna de Clarmont e sòcia dels Tega-Los nos ditz dos mots, non oficials, puòi Micaëla Roques, au nom dels Tega-Los, convida lo mond a banhar lo cement de l’amistat amb de vin de Clarmont d’Erau.