L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 21 d’octòbre de 2023.
E PUÈI ?
En mai de tot çò que se passa dins lo mond entièr, mai recentament, se venon apondre d’eveniments terribles en Israël e dins la banda de Gaza.
Entendèm parlar del Orient- Mejan matin, miègjorn e ser, e es verai que se pòt pas èsser passat jos silenci.
Òm nos parla de mòrts, pas en dezenats, pas en centenats, non en milièrs. Tot i passa : òmes, civils, militaris, femnas, vièlhs, enfants. ges de pietat. Per degun.
Talament que de còps, aimam mai copar lo siulet a las informacions, per se cambiar las idèas e atanben per préner lo temps de soscar.
Per exemple : anarem a la manif ? Cadun agirà segon sas pròprias conviccions e segon sas possibilitats. O encara, avèm rason d’enviar los enfants a l’escòla ? Pasmens los podèm pas gardar dins de coton-rama…
E puèi ?… Es pas tot, de qu’anam manjar ? Cal trapar quicòm per preparar lo dinnar, e cal pensar de préner lo rendètz-vos en cò del especialista, qu’aquò pòt préner tota la tantossada, alara que l’enfant a son entraïnament de fotbal uèi…
Fin finala, lo moment de còrdolor sincèr passat, vesèm que tornam mai a las nòstras ocupacions, nos disent qu’avèm l’astre de viure dins de luòcs pas tròp dangieroses.
Aital va la vida, e seriá pas un biais de se daissar pas envasir per d’emocions tant intensas ? E benlèu una poncha d’egoïsme.
Se dempuèi que lo mond es mond avèm pas mancat d’annadas terriblas, aquesta passa, los desastres s’abaton sus la planèta en mitralhadas, e çò pièger seriá de s’acostumar a aquelas anormalitats, aquelas atrocitats, se disent amb fatalitat, e puèi ?
ET PUIS ?
Outre ce qu’il se passe dans le monde entier, plus récemment, viennent s’ajouter de terribles événements en Israël et la bande de Gaza.
Nous entendons parler du Moyen-Orient matin, midi et soir, et il est vrai que cela ne peut pas être passé sous silence.
On nous parle de morts, pas en dizaines, pas en centaines, non en milliers. Tout y passe : hommes, civils, militaires, femmes, vieillards, enfants. Pas de pitié. Pour personne.
Tellement que parfois nous préférons couper le sifflet aux informations, pour se changer les idées et aussi pour prendre le temps de réfléchir.
Par exemple : irons-nous à la manif ? Chacun agira selon ses propres convictions et selon ses possibilités. Ou encore, avons-nous raison d’envoyer nos enfants à l’école ? Pourtant on ne peut pas les garder dans du coton…
Et puis ?…C’est pas tout, qu’allons-nous manger ? Il faut trouver quelque chose à préparer pour midi, et il faut penser de prendre rendez-vous chez le spécialiste, car cela peut prendre toute l’après-midi, alors que le petit a son entraînement de foot-bal aujourd’hui…
Finalement, le moment de compassion sincère passé, nous voyons que nous retournons à nos occupations, en nous disant que nous avons la chance de vivre dans des lieux pas trop dangereux.
Ainsi va la vie, et ne serait-ce pas une manière de ne pas se laisser envahir par tant d’intenses émotions ? Et peut-être une pointe d’égoïsme.
Si depuis que le monde est monde nous n’avons pas manqué d’années terribles, en ce moment, les désastres s’abattent sur la planète en rafales, et le pire serait de s’habituer à ces anormalités, à ces atrocités, en se disant avec fatalité, et puis ?
Bonjorn !
ai consciéncia de tot aqueles dangièrs. Pasmens, pense que los malastres se son totjorn amolonats sus la Tèrra dempuòi lo començament. Guèrras, chaples, malautiás, catastròfas de tota mena son de totas las epòcas. Simplament, ara, los nècis dangieroses de tota espécia an de mejans de s’exprimir incomparablament mai desvolopats que los de ièr, amb un poder d’influéncia susdimensionat. Lo tropèl qu’escupis son òdi sus l’ennemic designat es tanben etèrne, de tota epòca, mas los mejans de comunicacion de ara amplifican la violéncia e l’efièch tropèl : demoram entre personas que pensan amb la mèma logica, e l' »autre », que pensa diferentament, es pas pus un èsser uman. Es aquela logica infernala qu’es desvolopada per los « reseaux sociaux », mai que mai.
Personalament me mete sovent a despart dins la natura, sens tròp se brancar sus l’actualitat. Dise pas que se cau afonçar la tèsta dins la sabla. Cau metre de distància amb tot aquò. Lo monde es pas qu’un endrech imperfièch, emplit d’Homo Sapiens adultes mas ambé de comportaments de dròlles.
Lo necitge violent de l’umanitat passarà, coma tot.