Un principi màger de la democracia es la desseparacion dau poders, e, per aquò, aquela entre lo legislatiu e l’executiu. Aquò existís entre lo govèrn e lo parlament, Assemblada e Senat, luòcs de la deliberacion, amai se nòstre país siá luènh de far de modèl per aquel sicut. Au contra ges de desseparacion per las collectivitats entre lo deliberatiu e l’executiu.

Au contra ges de desseparacion per las collectivitats entre lo deliberatiu e l’executiu. Lo/la Conse es tot solet l’executiu e lo president dau Conselh de la Comuna. Idèm per Departaments e Regions. Se pòt discutir sonque de çò que vòl lo/la president-a e dins los tèrmes que vòl. Amai adjunts o vicipresidents an pas qu’una delegacion de poder dau president o dau conse e pòdon èsser liquidats a cada instant. Dau còp los debats se redusisson, per l’oposicion, a de posturas e a una laus incondicional per la majoritat. Es plan marrit per la vida democratica das collectivitats
que son vistas per aquò coma de baronias dau marchament escur e barrat. La lei de fusion das regions de 2015, la del govèrn « progressista » de Hollande, auriá poscut permetre aqueste progrès democratic que costava pas res. Que nani e au contra suprimiguèron la competéncia generala als departaments e regions. Una sola collectivitat presenta aquel minimum democratic, es la de Corsega. Perque los còrses ? Amor qu’o volguèron e demandèron !

La traduction est à retrouver sur Midilibre.fr