|
|
Las darrièiras informacions de l'IEO Erau
|
|
|
Malastrosament, i cau tornar amb una marrida nòva: la despartida dau paure Danièl Lafont que se moriguèt setmana passada e dels Tega-Los mai dins la pena e lo dòl. Los acompanham per nòstras pensadas e amistat. Per faire complancha, traparetz un polit omenatge que faguèron en ligam aquí dejós.
|
E puòi una rintrada que se met a cha pauc en òbra. Vòstres cronicaires costumièrs son a pelfinar sas plumas per vos assaigar au mai lèu, dins lo plen de la secada lingüistica francimanda, de bona lenga vòstra.
|
Amb per la seccion departamentala un eveniment d'importància, una AG ordinària mas pas ordinària d'a fons ! que se debanarà a Lodeva lo dimenge 24 de setembre. Dobèrta a totes, mercés pasmens de se marcar au puslèu -sèm coma sovent un pauc quichats- per una bona organizacion.
|
I traparetz, a aquela AG, en mai d'un fum d'informacions sus lo mond occitan e l'anar de nòstre IEO (E... RAU!!) los quatre libres novèls que venèm de sortir. Abotiment d'oradas de trabalh, ja en venda sus lo site o a la botiga de Besièrs (los dimars) n'avètz aquí una pichòta presentacion. Demest aqueles libres, un trabalh grossàs menat per lo Joan Loís Segondy e la còla dels Tega-Los : D'aucèls e d'òmes. Saique lo Danièl Lafont l'auriá pas fonhat.
|
Enfin, d'unas infos dels mai valents (o dels mai preissats!) e pas que per sorrire e gardar la nhaca, es important, lo fulheton de l'estiu, Tintin a Marselha.
|
E, ...rau!!
|
|
|
Qué de nòu ?
|
|
|
|
|
Lo monde occitan e los Tega-Los en dòl, lo paure Danièl Lafont nos quitèt setmana passada.
|
|
|
|
|
|
|
Los aderents (e amics) de la seccion d'Erau de l'Institut d'Estudis Occitans ( IEO 34 ) son convocats e convidats a l'amassada generala de l'associacion per 2023 que se tendrà aqueste an :
lo dimenge 24 de setembre de 2023
|
a LODEVA (34) Sala Marie Christine BOUSQUET, 1 place Francis Morand
|
|
|
|
|
|
|
Quand l'òm sap lo trabalh necite a l'escritura, l'elaboracion, la realizacion d'un libre, òm pòt entendre un pauqueton la jòia qu'avèm de vos presentar aqueles 4 obratges que venon d'espelir, tots polits, tots nòus, a cò de nòstras edicions. E... RAU!!
De l'escritura e dels tèmas variats, n'i a per totes...
|
|
|
|
|
|
|
Represa de las activitats als Amics de la Baragònha
|
|
|
|
|
|
|
Biscam pas, Cercle occitan Max Roqueta
|
Dimenge 17 de setembre a partir de 10 oras e mièja e tot lo tantòst.
Balèti et atelier de danse Puéchabon 17 septembre à partir de 10h30.
|
|
|
|
|
|
|
Los 24, 25 e 26 d'octòbre estagi amb lo CFPO.
|
|
|
|
|
|
La revista de premsa
Tornatz trobar las cronicas setmanièiras e bonas fuèlhas localas.
|
|
|
|
|
|
Avèm relevat ambe plaser l’article de L’Indépendant qu’anonciava Le XIII rapproche les peuples amb una fotografia de sostens del Tolosa Olimpic e de Swinton que bevián un còp amassa a l’estanquet de l’estadi Domèc.
|
|
|
|
|
Per sorire...
|
|
|
|
|
Lo fulheton de l'estiu, Tintin a Marselha.
E... RAU !!
|
|
|
|
|
|
Nos volètz trapar ?
|
|
|
|
|
|
Lo locau e la botiga son actualament dobèrts !
|
Adreça
Oraris
Telefòne
|
|
|
|
|