|
|
Las darrièiras informacions de l'IEO Erau
|
|
|
Larguesa o quand una entrepresa d'electricitat de Laveruna, la societat Amperiància ven portar solaç au Juvinhac occitan e a l'IEO34 en ofrissent una fotocopiadoira-imprimenta A3 de qualitat professionala...
|
Un conte de fada, la fada electricitat solide...
|
E un planponh de novèlas en esperant de se retrobar per l'AG de Lodeva d'aqueste dimenge que s'i poirà dire coma en 1907 a Besièrs: "Sèm fòrces!"
|
Lo libre l'uòlh del Buòu, tot polit, tot nòu, es arribat. Lo traparetz aquí sus lo site, mas tanben dimenge a Lodeva que montarem lo taulièr amb libres novèls e mai ancians. En mai aurem l'Ivona a posita per vos faire dedicacion polida. Lo traparetz tanben a la botiga de Besièrs, los dimars o auprès dau cercle de Mèsa que lo co-editèt amb nautres. Que ne siagan mercejats.
|
Per lo demai, las rubricas son ara totas en plaça amb quand pòde d'audios per benlèu ajudar los apreneires. Tot es a carrau, non, qu'avèm una rièja dau Jaumet sens las casas negras... (siái pas estat liurat). Rai, aquò cambia de Solatge! Saique n'i a pas, o alara es a vautres de las metre per pebrar un pauc l'alhòli. Ai d'aquel Jaumet!
|
Un banh de lenga se sètz pas estats pro banhats e tanben un trabalh de revision dau Diccionari General de Cantalausa que lo Miquèl Joffre ven de metre a posita en linha.
|
Dins l'espèra dau vin novèl, de las castanhas, de las girilhas... (Pauròts, n'i aurà aqueste an sus la plaça de Sant Martin de Londres) vos dise a dimenge per d'unes, a la setmana venenta per los autres.
|
E, ...rau!!
|
|
|
Qué de nòu ?
|
|
|
|
|
Es la bona suspresa de la rintrada ! La societat d'electricitat Amperiance installada uòi a Laveruna nos ven d'ofrir, mercé son gerent Julian Cavadore e l'entremesa de Regina Cipra, la presidenta de tria de Juvinhac Occitan, una imprimenta-fotocopiadoira de tipe professional.
Ara sèm brancats, la propaganda va rajar a tota bomba, a la velocitat de la lutz!
|
|
|
|
|
|
|
N’an de coratge aquelas mametas. Las vesèm de matin alara que lo calimàs comença de plan tapar sus lo clòsc, trotejar amb lo carreton.
|
|
|
|
|
|
|
Coma dison ara d'en pertot:
"Salva la data!"
S'i prenon d'ora, los de d'Aicí d'alai, mas retenètz doncas aquela data dau dissabte 21 d'octòbre de contes (Malika Verlaguet), de castanhas e de lenga...
E, òu! E lo vin novèl?
|
|
|
|
|
|
|
Premier de la saison 2023.2024, le bain de langue occitane du 23 septembre vous invite à découvrir
le Prieuré de Cézas et l'association Asphodèle.
|
|
|
|
|
|
|
Lo diccionari general occitan de Cantalausa augmentat per Miquèl Joffre e accessible en linha.
|
|
|
|
|
|
|
Bonjorn
Per tornar a l'abitud, vaquí la rièja que sentís pas pus a vendémias mas pus lèu davalada ventosa. Amb mas amistats.
|
Dins l'espèra d'un complement de liurason, trapatz las casas negras, se 'ni a...
|
|
|
|
|
|
|
AG2023 de l’IEO34, lo 24 de setembre a Lodeva, sala Maria Cristina Bousquet.
|
Se sarra l'AG. Es lo quichaclau per se marcar...
|
|
|
|
|
|
La revista de premsa
Tornatz trobar las cronicas setmanièiras e bonas fuèlhas localas.
|
|
|
|
|
|
x Aquí que lo sistèma infernal de comunicacion entre los umans se ditz pas mai Tuit-Tuit mas X. E vos devi dire aicí mon incompreneson totala de me trapar amb aquela x coma inconeguda, ieu que soi pas sortit de Politecnica.
|
|
|
|
|
|
|
Mescladís de Bobí lo contejaire
|
Una istòria sul trabalh de la vinha e las aventuras d'un jove « Soubessòl » qu'ajudava son paire, i a una cinquantena d'annadas al desmagencatge. Èra pas de gaujor de còr mas l'istòria es pro comica e coneisserem lo desnosament la setmana venenta !
|
|
|
|
|
|
|
La cronica de Joan Loís Blenet
|
Ongan encara, la celebracion dau patrimòni d'aquesta dimenjada ne doblida un.
|
|
|
|
|
|
La guinhada de l'IEO d'Erau
|
|
|
|
|
La guinhada de l'IEO d'Erau
|
Diga ! La darrièira de l’estiu en Menardia-sus-Òrb : van cercar la mèrda. Aquò, me diretz, es pas novèl mas aqueste còp la vòlon espepissar menimosament e los chins que se passejaràn dedins Besièrs deuràn presentar, en cas de contraròtle, sa carta d’identitat ADN per provar que son pas eles qu’an perdut quicòm dins la gandòla.
|
|
|
|
|
Per sorire...
|
|
|
|
|
|
Nos volètz trapar ?
|
|
|
|
|
|
Lo locau e la botiga son actualament dobèrts !
|
Adreça
Oraris
Telefòne
|
|
|
|
|