Adesion a l’IEO Erau

Volètz aderir a l'Institut d'estudis occitans dau departament d'Erau ? Brancats que sèm vos prepausam ara d'o faire en linha, amai aquò nos facilita la gestion. E podètz quitament gropar en crompant de libres e en pagant l'escotisson !

Vos rapelam que l'adesion a l'IEO d'Erau vos fa aderir a totes los escalons de l'IEO: l'IEO Federal e l'IEO Regional, per nautres l'IEO Occitania Pirenèus Mediterranèa.

Pensatz de plan causir la tarifa que vos correspond (individuala/coble normala o redusida, associacion) abans de validar vòstre panièr. La banasta s'aficha en naut a drecha amb los articles. Per pagar basta d'i picar dessús, de seguir las consignas e de faire fumar la carta blava. Siagatz-ne grandmercejats !

En seguida l'AG que se debanèt a Nimes en 2024, aquelas tarifas son las seguentas:

* Adesion individula normala 30,00€

* Adesion individuala redusida 12,00€ (se pagatz pas d'impòst sus lo revengut)

* Adesion coble 40,00€

* Adesion coble redusida 16,00€ (se pagatz pas d'impòst sus lo revengut)

* Adesion Associacion (persona morala) 50,00€

La reparticion dels escotissons se fa puòi au dintre de l'IEO, a la gròssa 50% per l'IEO federal, 1,50€ per cotizacion per l'IEO Regional e lo demai a la seccion departamentala Los sòcis seràn convidats a las amassadas generalas de cada nivèl de l'associacion e recebràn la revista federala Anem Occitans ! que pareis quand pòt. E tanben la letra numerica setmanièira de l'IEO 34, E... RAU !!  En mai, de temps en quora lo bulletin d'informacion de l'IEO federal: Endacòm mai !

Beneficiar d’una reduccion d’impòst sul revengut / Bénéficier d’une réduction d’impôt avec votre don

L’escotisson pòt èsser considerat coma un don a l’associacion IEO, qu’en retorn pòt donar una atestacion de don, permetent a l’aderent de beneficiar d’una reduccion d’impòst sul revengut de 66%, dins lo limit de 20% del revengut impausable. La cotisation peut être considérée comme un don à l’association IEO, qui, en retour, peut fournir une attestation de don. Cette attestation permet à l’adhérent de bénéficier d’une réduction d’impôt sur le revenu de 66 %, dans la limite de 20 % du revenu imposable.

La tarifa redusida, fins ara reservada als joves e als caumaires, es ara accessibla a las personas non impausadas que pòdon pas aver de reduccion d’impòst. Il est à noter que le tarif réduit, auparavant réservé aux jeunes et aux chômeurs, est désormais accessible aux personnes non imposables, qui, dans ce cas, ne peuvent pas bénéficier d’une réduction d’impôt.