Cercle occitan Max Roqueta
Adreiça
15 camin de la granja
34150 ANIANA
Contacte
Domenge CAUCAT
Telefòn
06 65 17 40 85
04 67 57 32 21
Mèl
cercle.occitan.max.roqueta@gmail.com
Activitats
- Cafès occitans, en general lo darrièr dimècres dau mes a la calandreta La Garriga, camin de Carabòtas a GINHAC de 7 oras a 10 oras mièja.
- Balètis amb Biscam pas, lo segond dissabte de cada mes au centre culturau de Puòg Abon.
- Jornada annala, La Prima Roquetiana, Le Printemps au Pays de Max Roqueta, a travèrs la cultura e la lenga occitana, una descobèrta dau mitan natural e una fèsta de las bèlas.
- Visitas en occitan de Sant Guilhem, de l’Estanhòl de Cendres mòrtas e mai, de la Roquetia. (per de grops)
- Animacion de circuladas vinhaironas : « I a mai de cançons dins un veire de vin que dins tota l’aiga d’Erau ! »
- Escorregudas culturalas dins lo Verd Paradís : literatura, botanica, arqueologicas, ornitologicas, …
- Espectacles en occitan
Blog
La prima roquetiana de 2023, lo 20 de mai.
« Gardarem lo Larzac »
Un actor de l’occitanisme a l’onor per una prima dos còps roquetiana aqueste an.
A partir de 1968, l’occitanisme pren un vam novèu, portat per una tropelada de creators que cadun portèt una pèira de las bèlas a son espandiment.
Dins los domenis de la cançon, dau teatre, de l’ensenhament, de la viticultura…, d’òmes e de femnas se lancèron dins un activisme que metèt la lenga e la cultura d’òc dins l’espaci public.
Joan Larzac siaguèt d’aquestes.
Amb de talhièrs lo matin: banh de lenga, sortida botanica, descobèrta de l’aucelilha, vendas de libres …
Taula redonda a l’entorn de Joan e un fum d’actors de la temporada evocada.
Concèrt de Mans de Breish.
Balèti amb Biscam pas.
Aperòcs cantats amb la corala de Sant Guilhem e d’autres… Pichòta restauracion per l’ostau Marragou.
(crèdit fòto Georges Souche)
Cafè descabestrat en Roquetia amb Josiana Ubaud lo 1r de febrièr
A LA DESCOBÈRTA DE LA RIQUESA ESCONDUDA DE NÒSTRA LENGA
Vos esperam en Roquetia per un novèl cafè descabestrat
lo dimècres 1r de febrièr a partir de 19 oras a la Calandreta La Garriga camin de Carabòtas a GINHAC
e, coma de costuma, sopar partejat: “Venètz e portatz”.
Quau de beure, quau de manjar, quau de dire…
Las lengas se descabestran
Fèsta de las lengas amb lo teatre Le Sillon de Clarmont d’Erau.
Espectacle per los pichons, cinèma e jornada occitana dissabte: cafè òc, visita de Clarmont en òc, balèti per los dròlles e concèrt en serada.
Amb la participacion de la calandreta de Ginhac, de l’IEO34, dau cercle Max Roqueta e de Còr d’Erau.