Corala Nadalenca
Adreiça
Espace Jaume Ir d’Aragon, 117 rue des États Généraux 34000 MONTPELLIER
Contacte
Marie-Jo DORY
Telefòn
06 62 23 29 27
07 81 63 35 35
Mèl
cantemoc@nadalenca.fr
Lo Còr occitan polifonic de Montpelhièr
Activitats:
- Cants polifonics jos la direccion de Roxana Véga, repeticions los dimars a 8 oras 30.
- Concèrts de Nadal
- Espectacles: Resisténcia (800 ans d’Istòria occitana a travèrs las luchas); Resisténcia II (L’amor a travèrs la literatura occitana)
- Corses d’occitan, los dimars a 8 oras amb Enric Theron abans las repeticions.
Lo but primièr de Nadalenca es de promòure la lenga e la cultura occitanas per lo cant coral e, d’un biais general, de participar a la promocion del patrimòni cultural occitan.
Lo còr es compausat d’un vintenat de coristas repartits en quatre pupitres (bassas, alti, tenors, soprani)
Nadalenca dona de concèrts dins Occitània tota e en defòra se l’escasença se presenta.
Lo còr interprèta d’òbras polifonicas tiradas per la màger part del repertòri occitan istoric o contemporanèu : cants populars, tradicionals, ancians,modèrns, mas tanben òbras classicas adaptadas en occitan e cants de Nadal (los nadalets que foguèron à l’origina de Nadalenca).
Dempuèi qualques annadas, per fin d’espandir son public, de cants en d’autras lengas romanas (catalan, italian, etc) son integrats dins lo repertòri.
Levat los concèrts, Nadalenca produtz tanben d’espectacles cantats : « Resisténcias I » jogat de2015 a 2018 e ara un segond opus « Resisténcias II » qu’es en preparacion. Aqueste segond capítol seguirà lo parcours literari de la nòstra istòria a l’entorn del tèma de l’amor : dels trobadors a Mauresca, de l’amor de lonh a l’amor de pròchi.
Lo còr es jos la direccion de Chiara MACCOTTA dempuèi genièr 2018.
La dintrada se fa generalament a la debuta de setembre, las repeticions se debanan : “maison de l’occitanie, 117 rue des Etats Généraux; 34000 Montpellier”
Nos podetz rejónher, es pas necite de saber parlar occitan per cantar a Nadalenca.


Blog

Nadalenca Còr d’Òc fa sa rintrada
Còr d’òc Nadalenca fa sa rintrada lo 12 de septembre a 7oras Espaci Jaume 1er d’aragon, 117 carrièra dels Estats gerenals. Montpelhièr.

Lo temps de las amors, Resisténcia II
Dempuèi sa creacion en 1999, la corala Nadalenca (uèi Chœur d’òc Nadalenca) perseguís la defensa de la cultura occitana per lo cant coral.
En mai dels concèrts, chœur d’òc a alargat sas prestacions cap a de concèrts espectacles (Resisténcias I que virèt de 2015 a 2018, Brassens canta l’amor en 2022, e ara “lo temps de las amors, Resisténcias II)

Lo nòstre Enric
Bonjorn
Lo nostre Enric defuntet dimenge de matin. La Nadalenca fasiá justament un estagi amb Roxane (nòstra cap de còp) e Isabelle François (nòstra cap d’empont) per trabalhar son espectacle: Lo temps de las amors. Aital partiguèt accompanhat de nòstras pensadas.