Perqué passar per un prat ?

par Cric-cracaire Roch

Papieròt del dijòus (del 02/03/23)

Aqueste còp, ma cronica serà pedagogica. M’adreçarai a totas las e totes los que contan istòrias, vertadièras o pas, aqueles contes e racontes que començan per : Un còp èra,… Las bonas istòrias an totjorn una (bona) fin e sèm dins l’obligacion legala e per rapòrt a la tranmission d’un saber cultural immaterial de clavar per « E cric e crac… ». Coma de pertot, se cal saupre modernizar e cambiar las causas. Per l’ora, vos vau proposar una primièra tièra de formulas de fin que vos esvitaràn de passar per un prat !

Vaquí aquelas proposicions, que son meunas, mas que cadun-a pòt adaptar a sa situacion o al debanament dels esveniments : E cric e crac, montèri sul teulat e lo conte es acabat. E cric e crac, bevèri un veire de muscat e lo conte es acabat. E cric e crac, me convidèron al freginat e lo conte es acabat. E cric e crac, me convidèron a l’estofinat e lo conte es acabat. E cric e crac, passa-me lo plate lo conte es acabat. E cric e crac, mitona l’estofat e lo conte es acabat. E cric e crac, de tisana un bolat e lo conte es acabat. E cric e crac, l’ors es un plantigrad e lo conte es acabat. E cric e crac, de vin caud un bolat e lo conte es acabat. E cric e crac, balhatz-me un veiron d’Armanhac e lo conte es acabat. E cric e crac, pas la pena de me balhar Conhac : lo conte es acabat. E cric e crac, un veire d’ordiat e lo conte es acabat. E cric e crac, d’aigardent lo veirat e lo conte es acabat. E cric e crac, avèm pro/tròp picolat e lo conte es acabat. E cric e crac, l’afar me sembla bricolat e lo conte es acabat. E cric e crac, acabèri lo quinquenat/lo quinquinà e mon conte es acabat (Francés Hollande). E cric e crac, toquèri lo mandat e lo conte es acabat. E cric e crac, m’an escanat e lo conte es acabat. E cric e crac, l’aucèl pescaire se ditz Bernat e lo conte es acabat. E cric e crac, lermitase ditz Bernat e lo conte es acabat. E cric e crac, m’emplenèriloventrat de farnat e lo conte es acabat (Lo tesson). E cric e crac, de civada lo ferrat e lo conte es acabat. (L’ase). E cric e crac, lo portalh es barrat e lo conte es acabat. E cric e crac, m’arrestèri a Sarlat/…at e lo conte es acabat. E cric e crac, passèri pel Dalfinat e lo conte es acabat. E cric e crac, a Montaleimar, crompèri nogat e lo conte es acabat. E cric e crac, d’amètlas un sacat e lo conte es acabat. E cric e crac, l’ensag es marcat e lo conte es acabat. E cric e crac, partiguèri costat tampat e lo conte es acabat. E cric e crac, fumèri la pipa sens tabat e mon conte es acabat (Lo rei Carnaval). E cric e crac, me mangèri un passerat e lo conte es acabat (La gòira). E cric e crac, m’an entopinat e lo conte es acabat. E cric e crac, me soi enganaussat e lo conte es acabat. E cric e crac, m’an pas pagat ; alara, lo conte es acabat. E cric e crac, la messa es dita, Mossur l’abat, e lo conte es acabat. E cric e crac, quand serà la victòria del proletariat, lo conte serà acabat (Karl Marx).

Fin finala, òm se pòt çaquelà demandar se la granda jornada de cauma del dimars 7 de març serà una estapa bèla de la luta finala. 

(Vos metrai pas un E cric e crac… en fin, qu’aicí es pas un conte, mas una – primièra – fica pedagogica !)

Cric-cracaire Roch

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.