L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 23 de setembre de 2025
DENT PER UÒLH
UÒLH PER DENT
(Se, en fin de tèxte, trobatz que « agach mordent » es pas pro gent – çò diriá D. Trump, – se pòt remplaçar per « gormand » o « uòlh nòu, o autre).
Dent per uòlh ? Quane rapòrt ?
Aquel eveniment tant curiós, a pena cresable s’es passat a dos passes d’un çò nòstre, siá dins nòstra bèla vila de Montpelhièr.
La medecina, aicí la cirurgia es estada a la nautor de sa reputacion .
Se tracha d’un joine erautés de 24 ans. A l’atge de 12 ans faguèt una reaccion allergica a una potinga que l’i destrusiguèt los teissuts de son còs tot . Se’n relevèt, mas sa vista non, e dempuèi es demorat complètament avugle ; siá la mitat de sa joina vida.
Existís una operacion delicada, ja praticada a l’estrangièr, sus un pichòt nombre de pacients .
A Montpelhièr, foguèt lo cirurgian Vincenç Daien, cap del servici oftalmologica del C.O.U, que s’es pegat a l’operacion sus nòstre joine òme. Foguèt una primièra en França e subretot una capitada.
Cossí se pòt faire ? Cal enlevar de la boca de l’avugle una dent, foguèt una canina, amb son teissut ossós e ligamentari, per i lisar, un cop cavada, una lentilha (aquela se pòt pas manjar amb de fricandèu, que de tot biais, n’i auriá juste per la dent curada…).
La dent es implantada dins l’uòlh malaute e remplaça la cornèa. Los teissuts se cicatrisan a l’entorn de la dent, e s’intègran a l’uòlh !
La vista tornèt lèu al joine òme . Es miraculós !
Pasmens se pausèt de questions : coma se va tornar reconéisser dins lo miralh, e sos proches ? sos parents qu’auràn vielhit, son fraire e sa sorreta qu’èran pichotets quand aquò li arribèt, e tant d’autras questions sus lo mond alentorn .
Mas l’essential es preservat. I vei, se pòt projectar dins son avenir, pòt e vòl préner son autonomia .
E subretot podrà getar una ulhada mordenta sus las filhas, qu’aquò es de son atge.
E fin finala, lo salvetatge d’un uòlh val ben lo sacrifici d’una dent, que cossí que siaga, per mòrdre la vida a plenas dents, ne demòra encara 31. Enfin pas totjorn al flor e a mesura que tot se destrantalha…Mas aquò es una autra istòria .
DENT POUR ŒIL
ŒIL POUR DENT
Dent pour œil ? Quel rapport ?
Cet événement si curieux, à peine crédible, s’est passé à deux pas de chez nous, soit dans notre belle ville de Montpellier.
La médecine, ici la chirurgie a été à la hauteur de sa réputation.
Il s’agit d’un jeune héraultais de 24 ans. A l’âge de 12 ans, il a fait une allergie à un médicament qui a détruit les tissus de tout on corps. Il s’en est relevé, mais pas sa vue, et depuis il est resté complètement aveugle ; soit la moitié de sa jeune vie.
Il existe une opération délicate, déjà pratiquée à l’étranger, sur un petit nombre de patients.
A Montpellier, ce fut le chirurgien Vincent Daien, chef du service ophtalmologique du C.H.U, qui s’est collé à l’opération sur notre jeune homme. Cela a été une première en France, et surtout une réussite.
Comment t-ce possible ? Il faut enlever de la bouche de l’aveugle une dent, cela a été une canine, avec son tissu osseux et ligamentaire, pour y glisser, une fois creusée, une lentille (celle-ci ne se mange pas, car de toutes façons, il y en aurait juste pour la dent creuse…).
La dent est implantée dans l’œil, et remplace la cornée . Les tissus se cicatrisent autour de la dent et s’intègrent à l’œil !
La vue est vite revenue au jeune homme. C’est miraculeux !
Cependant, IL s’est posé des questions : comment va-t-il se reconnaître dans le miroir, et ses proches ? ses parents qui auront vieilli, son frère et sa jeune sœur, qui étaient touts petits quand cela lui est arrivé, et tant d’autres questions sur le monde alentour.
Mais l’essentiel est préservé. Il y voit, il peut se projeter dans son avenir, il peut et il veut prendre son autonomie.
Et surtout, il pourra jeter un regard mordant sur les filles, car cela est de son âge.
Et finalement, le sauvetage d’un œil vaut bien le sacrifice d’une dent car, quoi qu’il soit, pour mordre la vie à belles dents, il en restera encore 31. Enfin pas toujours au fur au mesure que tout se déglingue…Mais ceci est une autre histoire .
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires