50 ans de las colleccions al CIRDÒC
50 ans de las colleccions al CIRDÒC
Divendres 21 de març, èri al Cirdòc pels « 50 ans de las colleccions ». Fòrça mond, mai de cent personas, una capitada !
Es en 1975 qu’Ives Roqueta creèt lo CIDO.
Qualques datas:1975 creacion e desvolopament del Centre internacional de documentacion occitana a Besièrs (CIDO) e çò fins en 1995. En 1996 creacion de l’institut occitan a Pau pel departament dels Pirenèus Atlantics. 1999 Creacion del CIRDÒC-Mediatèca Occitana. 2019 creacion de l’establiment public de cooperacion culturala- CIRDÒC institut de cultura.
Divendres totes los actors de l’EPOC CIRDÒC èran aquí : director e president mas tanben representants de la region Occitània, lo cònsol de Besièrs, un representant del ministèri de la cultura, Laurenç Roqueta, filh de Maria Roanet e de l’Ives, Joan Larzac lo fraire, Joan Claudi Martinez, fotografe e Coleta Derdevet-Meneau qu’an realizat una polida exposicion amb l’ajuda de Laurenç Roqueta, cal anar al CIRDÒC, es de primièra !
Los discorses e testimoniatges foguèron fòrts e esmovents. Laurenç Roqueta en particular nos captivèt e nos parlèt de son paire dins un occitan plan mestrejat. D’extraches de tèxtes de l’Ives e de Maria Roanet foguèron legits a doas voses amb traduccion en francés per Laurenç e Coleta. Recòrds, beutat dels tèxtes.
Puèi un recital « Cantic » menat per Sandra Hurtado-Ròs, Claire Masson, Agnalys Hager e Gérard Zuchetto , encantèt lo nombrós public.
La serada se perseguiguèt a l’entorn d’un aperitiu « manja-dreit » moment d’escambis per fòrça d’entre nosautres.
Un poèma de l’Ives, legit divendres per Laurenç.
En fòrça
Es en fòrça que cal
Escriure o bastir
I aurà pas de pietat pels artificièrs.
Ni pels brodaires d’arabèscas.
Los mòrts o sabon.
Aquela muralha o crida.
Ieu ensagi d’o encapar
Mercé encara Ives !
LO DARRIÈR BÒBI, Fonce maestro !
50 ans de collections au CIRDOC
Vendredi 21 mars, j’étais au Cirdoc pour les « 50 ans de collections ». Plus de cent personnes étaient présentes. Une réussite !
C’est en 1975 qu’Yves Rouquette créa le CIDO.
Quelques dates à retenir :1975 création et développement du Centre international de documentation occitane à Béziers (CIDO) et ce jusqu’en 1995. En 1996 création de l’institut occitan à Pau par le département des Pyrénées Atlantiques. 1999 Création du CIRDOC-Mediatèca Occitana. 2019 création de l’établissement public de coopération culturelle- CIRDOC institut de cultura.
Vendredi tous les acteurs de l’EPOC CIRDOC étaient là : directeur et président mais aussi représentants de la région Occitanie, monsieur le maire de Béziers, un représentant du ministère de la culture. Et bien sûr Laurent Rouquette, fils de Marie Rouanet et d’Yves, Jean Larzac frère d’Yves , Jean Claude Martinez, photographe et Colette Derdevet-Meneau qui ont réalisé une magnifique exposition avec l’aide de Laurent Rouquette, à voir sans faute au CIRDOC !
Les discours et témoignages furent forts et émouvants. Laurent Rouquette en particulier sut nous captiver et nous rappeler qui était son père dans un occitan bien maîtrisé. Des extraits de textes d’Yves Rouquette et de Marie Rouanet furent lus à deux voix avec traduction en français par Laurent et Colette. Souvenirs, beauté des textes.
Ensuite un récital « Cantic » mené par Sandra Hurtado-Ròs, Claire Masson,Agnalys Hager et Gérard Zuchetto , enchanta le nombreux public (plus de cent personnes).La soirée se poursuivit autour d’un apéritif dinatoire, moment de retrouvailles pour beaucoup d’entre nous.
Un poème d’Yves, lu vendredi par Laurent.
En force
C’est en force qu’il faut
Ecrire ou construire
Il n’y aura pas de pitié pour les artificiers,
Ni pour les brodeurs d’arabesques.
Les morts le savent.
Cette muraille le crie.
Moi j’essaie de me le mettre en tête.
Merci Yves !
Lo Mescladís e Zibola, lo libre dau Bòbi en venda dins totas las bonas librariás !
Una pòrta d’intrada dins la lenga e la cultura occitana, una pòrta bèla qu’aquelas cronicas, a l’origina radiofonicas per ràdio Lengadòc e ràdio Lodeva, destriadas en quatre categorias: « Contes e legendas »; « Cultura occitana »; « Fèstas e jòcs »; e « O sabiatz? » Lo legeire, novelaire o assabentat de la causa occitana, i farà son pro e i trobarà sens cap de dobte son bonaür. Completadas per l’Istòria polida de Zibola premiada per lo CAÒC en 2023.
0 commentaires