Lo mescladís e Zibola

15,00

Una pòrta d'intrada dins la lenga e la cultura occitana, una pòrta bèla qu'aquelas cronicas, a l'origina radiofonicas per ràdio Lengadòc e ràdio Lodeva, destriadas en quatre categorias: "Contes e legendas"; "Cultura occitana"; "Fèstas e jòcs"; e "O sabiatz?" Lo legeire, novelaire o assabentat de la causa occitana, i farà son pro e i trobarà sens cap de dobte son bonaür. Completadas per l'Istòria polida de Zibola premiada per lo CAÒC en 2023.

" Dempuèi octobre de 2020, publiqui de cronicas en Occitan amb traduccion en Francés cada dijoús dins lo jornal Midi Libre, edicion Còr d'Erau, jol títol, Lo Mescladίs. Nombre de legeires me demandèron d'editar una compilacion bilingüa. M'èra impossible de tot editar. Faguèri doncas una causida de contes e istòrias, de cultura occitana, de las anecdòtas, de toponimia.  Aquò fa 38 cronicas. Escriguèri tanben en 2022, un raconte brèu : Zibola. qu'obtenguèt  lo 2d prèmi del C.A.Ò.C en 2023 (Associacion d'embessonatge occitano – catalana, sèti a Barcelona). Es tanben dins aquel libronèl.

Mas ara caliá trapar un editor! Pas aisit! Gilbert Jaccon me faguèt fisança e a permés la realizacion d'aquel obratge modèst. Grandmercé!"

Lo prètz es de 15€ e 2 € son per los « restos du coeur ».

Robèrt Pastor aliàs Bòbi lo Contejaire. Non pas lo “contaire” mas lo “contejaire” qu’atrabalhit coma pas un, aqueste regent a la retirada s’arrèsta pas jamai de banhar la camisa per sa lenga nòstra. Cronicas setmanièiras per lo Midi Libre e lo blògue de l’IEO Erau; emissions per ràdio Lodeva o ràdio Lengadòc, espectacles per los enfants e los bèlses, intervencions dins las escòlas.

Amb aqueste libre es una estapa de mai que ven de capitar Bòbi lo contejaire, e quand Bòbi met la man a la barra, la premsa raja de bon vin ! Acabatz de tastar.

En stock

UGS : Novèlas-1-1-1-4 Catégorie : Étiquettes : , ,

Informations complémentaires

Dimensions 21 × 15 cm
Paginas

130

Autor

Lenga

Dialècte

Edicion

Parucion

ISBN

978-1-446142-35-6