Una faiçon de dintrar dins la lenga, de la practicar. Una lista pichona que poiretz utilizar, completar a vòstre grat! Esitetz pas a utilizar tanben lo «francitan», aquò vos pòt ajudar al començament!

D’un pichon agland pòt venir un grand garric.

Pòt pas sortir d’un sac que çò que i a.

Grand coma la mar.

Un vertadièr amic es un tresaur.

Jamai lo darrièr non ganhèt la corsa.

L’expression plan coneguda per se trufar aimablament:

L’as pagat lo capèl? E se respond (al  sègle XXI !): Cinc èuros, vièlh camèl!

Aquel que tròba pas las causas evidentas: trobariá pas d’aiga a la mar!

Per contra aquel qu’es adrech, inventif: tornariá los uèlhs a un gat.

O alara: Escarabilhat coma un rat de granièr!

E per temptar l’impossible?: Tirariá cent pets d’un ase mòrt.

Tot mancar : Faire fogassa!

Atencion: A l’aiga tranquilla, t’i fises pas.

Marca-mal se passeja ! Doas interpretacions : Èsser vestit coma un Marca-mal es vertadièrament èsser mal vestit. Autre sens, mai perilhós, : Marca Mau èra un brigand que sevissiá dins la nòstra region, e per espaurugar los mainatges se lor disiá : vai al lièch senon Marca Mau vendrà !

Qualques frasas e expressions sovent utilizadas en « francitan » :

Al rugbi, se filan d’aqueles castanhas !

Es bon aquel cambajon ?

Qu’ es polida aquela calada ! (camin empeirat)

Amb aquela calor, ai la canha d’anar córrer, mas aquel estiu farai mai d’un cabús dins lo riu, se i a d’aiga, de segur !

Manja tròp lèu, vas t’engarafater, es capbord !

Siás penible, arrèstas pas de repotegar !

Es polít lo Salagon amb tot aquela rufa !

D’ensalada salvatge ? N’ai fach un sacàs, te disi pas !

Ai tròp manjat, soi confle !

E se’n poiriá trobar d’autres  frasas  !

Anatz entrainatz-vos e portatz-vos plan !

Una video pedagogica dau Bobí aquí dejós: