L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 29 d’abril de 2025
ANNIVERSARI POLIT
Dempuòi de matin, es una ventòria de textons que s’amassan sus lo telefonet. De que vòl dire aquò ?
Òc, o sabi ! amai aguèsse frenat dels quatre fèrres per lo doblidar, lo verdicte es tombat. Un an de mai, que me’n seriái plan passada d’aquel ! Un de mai…mas un de mens…
Abans J-1, va encara plan, puòi arriba lo jorn J. Aqueste còp i e sèm, e trepeja que trepejaràs i càmbias pas res.
Cossí far per arrestar las agulhas dels relòtges ? Degun a pas trapat lo biais d’o far.
Se que non…me preni a somiar d’una planèta plena sonque de monde polits, sens rufas, sens pels blancs. De mond que lor avenidor seriá un camin de ròsas.
Un mond onte òm veiriá pas pus de vielhòts arrapats a lor deambulator, de còps repotegaires, las mans tremolantas que daissan càser tot çò que vòlon agantar. Un monde que sembla fach per vos acostumar a çò que vos espèra. A ne doblidar tot çò que vos apòrtan d’amor e d’experiéncias, mercé a lor long viscut.
Pasmens cal aterrir. Lo mond es pas idillic. Se i aviá pas que de mond joines, bèlses e en bona santat , aquò voldriá dire que los autres son mòrts pro joines coma auriá dich Monsur de Lapalisse. Quana perspectiva !
Vielhir es dins l’òrdre de las causas : nàisser, viure, profechar de las bèlas annadas de l’enfança, puòi de la joinessa, per lo plaser de la familha tota que desbòrda d’amor. Amai profechar de l’atge madur.
Traçar son camin, sens voler vendre son anma al Diable per negociar una joinessa eternèla. Es aquò nòstre astrada.
Se’n cal acomodar, viure çò qu’avèm a viure, sens se pausar tròp de questions, e vengut lo moment, daissar la plaça a d’autres, metent son ego per de bon e per totjorn, de costat…
Fa pas res, quand mèmes aquò fa plan cagar !
.
HEUREUX ANNIVERSAIRE
Depuis ce matin, c’est une rafale de textos qui s’amassent sur le téléphone portable. Qu’est-ce que ça veut dire ?
Ho, je le sais ! Bien que j’aie freiné des quatre fers pour l’oublier, le verdict est tombé. Un de plus ! je m’en serais bien passée de celui-là ! Un de plus…mais un de moins…
Avant J-1 ça va encore, puis arrive le jour J. Cette fois-ci nous y sommes, et trépigner et trépigner encore n’y change rien.
Comment faire pour arrêter les aiguilles des horloges ? Personne n’a trouvé la solution.
Ou alors…je me prends à rêver d’une planète pleine seulement de gens sans rides, sans cheveux blancs. Des gens dont l’avenir serait un chemin de roses.
Un monde où l’on ne verrait plus de petits vieux agrippés à leur déambulateur, parfois ronchons, les mains tremblantes qui laissent choir tout ce qu’elles veulent attraper. Un monde qui semble fait pour vous habituer à ce qui vous attend. A en oublier tout ce qu’ils vous apportent d’amour et d’expériences, en raison de leur long vécu.
Pourtant il faut atterrir. Le monde n’est pas idyllique. S’il n’y avait que des gens jeunes beaux et en bonne santé, cela voudrait dire que les autres sont morts très jeunes, comme aurait dit Monsieur de Lapalisse. Quelle perspective !
Vieillir est dans l’ordre des choses : naître, vivre, profiter des belles années de l’enfance, puis de la jeunesse, pour le plaisir de toute la famille qui déborde d’amour. Même profiter de l’âge mûr.
Tracer son chemin, sans vouloir vendre son âme au Diable pour négocier une jeunesse éternelle. C’est cela notre destinée.
Il faut s’en accommoder, vivre ce qu’on a à vivre, sans trop se poser de questions, et le moment venu, laisser sa place à d’autres, en mettant son ego pour de bon et pour toujours, de côté…
Ca ne fait rien, quand même ça fait bien chier !
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires