Problematica dels pichons noms

La causida d’un pichon nom es d’una importància capitala pel camin de vida del nenet que ven de nàisser. De còps, tot se va apariar ; d’autres còps, caldrà a la novèla nascuda o al novèl nascut viure en oposicion amb lo pichon nom reçauput. 

Determinismes

• Alan: L’Alan se vesiá cap d’aficha a l’Alhambrà. 

• Amadèu: L’Amadèu es un brave gasta-moneda; l’argent li lisa de las mans.

• Angèla: Amb son sorrire d’angèl, Angèla se crei la mai bèla.

• Anicet: Cò d’Anicet, se bèu qu’aniseta.

• Aquiles: L’Aquiles vos virarà los talons.

• Arnaud: L’Arnaud, fièr marin sus la granda nau.

• Barnard: Lo Barnard manca pas de còr.

• Benjamin: Lo Benjamin vos botarà sul bon camin.

• Camilha: Camilha bèu camomilha.

• Casimir: Lo Casimir es quasiment reparator de las maquinas de ruscada.

• Catarina: Las arnas auràn traucat mos vestits lo jorn del maridatge de la Catarina.

• Clamenç: Lo Clamenç, mens sana in corpore sano.

• Clamença: La Clamença, mens sana in corpore sano.

• Coleta: La Coleta se monta lo còl.

• Emili: L’Emili es un militant/militar de primièra borra.

• Eric: L’Eric es totjorn un pauc ric-rac.

• Estèla: L’Estèla, cigalas pel cap, se crei santa.

• Gaston: Gaston arriba pas a decrocar lo telefòn.

• German: Lo German es pas mon cosin.

• Gui: Lo Gui es un vertadièr guinhòl: prepara de guinholet!

• Isidòr: Isidòr dormís dins lo corredor.

• Jòrdi: Per la Sant Jòrdi, una ròsa e un libre!

• Juliana: La Juliana es una brava ortalana.

• Larissà: Vos leparetz los dets se manjatz un coscós de Larissà.

• Lazar: Lazar cèrca lo camin de la gara.

• Lucian: Amai jove, Lucian se crei ancian.

• Marcèl: Aval, luènh, entre mar e cèl.

• Marius: Marius es un brave olibrius.

• Martina: A la Martina, li agrada mai lo chuc de la tina qu’un bolat de Bledina.

• Matilda: Pas besonh de tilde per escriure Matilda.

• Mirelha: La Mirelha ten l’aurelha musicala en La-440.

• Nestòr: La tòrtuga de Nestòr es tòrta.

• Onorat: L’Onorat es mai sant que diable.

• Onorina: L’Onorina es molinièra a Venta-Farina.

• Pacòm: Lo Pacòm es pas comòde.

• Patric: Treule de quatre fuèlhas e un mièg de cervesa pel Patric.

• Patrici: Lo Patrici avança patric-patrac.

• Paulina: La Paulina, jamai en retard per prene la miquelina.

• Pèire: Lo Pèire es caparrut coma un calhau/coma un ròc.

• Remèsi: Al Remèsi, li agrada mai lo vin caud que los remèdis.

• Ricard: Lo pastagàs balha còr de lion al Ricard.

• Robèrt: Lo Robèrt viu al fons del val.

• Rodrigue: Mas qui mena pel nas lo Rodrigue?

• Rolanda: La Rolanda tot alanda.

• Rosina: Totas las Rosinas son pas de pèira.

• Sandrina: La Sandrina mena son drin-drin.

• Teofrasta: Teofrasta se passa la vida dins los trastes.

• Tomàs: Quand ven novembre, Tomàs encantina lo tomatat.

• Valentin: Paure Valentin: tròp d’amor tua l’amor.

• Victorian: Victorian es pas totjorn victoriós.

• Vincenç: Vincenç non pòt viure sens vin.

Estat-civilizat Roch

(de seguir)