e gramatica novèla

Nòstras practicas en pensadas, paraulas e escrits de la lenga occitana nos menan a aquestas reflexions sensadas e perpensadas sus unes ajustaments necessaris de concretizar al nivèl de sa gramatica, e se ne vira, de sa morfologia, de sas conjugasons, de son ortografia e de sos camps lexicals. Vaquí una primièra (que serà pas unica) tièra de remarcas sotmesas a la vòstra reflexion :

Adjectius : Los adjectius occitans non solament son qualificatius mas tanben qualificats per contunhar totes a èsser utilizats.

Antonomasia : Un nom comun que sortís dels banhs pòt pretendre venir nom pròpre.

Article : Se fa pas gaire l’article per un article.

Beutat : L’imperfait occitan es en cèrca permanenta de la perfeccion.

Condicional : Agrada pas brica al vèrbs de se trapar en libertat condicionala e pantaissan : « Se… »

Escais : La rason de l’escais de perfèits pels Bons Òmes catars ven del fait qu’utilizavan pas l’imperfèit dins lors presics. Partesans d’una societat egalitària, amai los avesques de lor fe se disián pas mai-que-perfèits.

Estat : Los vèrbs d’estat son plan sovent d’opausants fèrs del federalisme.

Gramatica : Cal pas pensar ceba o ceboleta quand se dobrís la Gramatica d’Alibèrt, obratge fondamental de metre entre totas las mans e dins totes los caps de Capbreton al Cap d’Agde passant per Capdenac, Capestanh, Capian, Capolet, Capsiuts, Capvèrn o Cap-d’Alh… !

Gramatician : Lo gramatician gaita de coa d’uèlh lo matematician.

Impersonal : Dire que lo vèrbe plòure s’emplega qu’a la tresena persona del singular es negar lo dreit a la paraula de las nivòls qu’an plan lo dreit de dire plòvi quand decidisson d’asagar la planeta o de prene la decision collectiva plovèm o de parlar dels vesins desapareguts lo jorn ont ploguèron… (*)

Imprecision : Es fòrça plan malaisit de balhar una definicion precisa de l’article (o : del pronom) indefinit.

Infinitiu : Unes infinitius an coma un gost d’infinit…

••• Interactivitat : Totas vòstras remarcas e proposicions seràn las benvengudas per noirir aquesta reflexion.

Gramatical Roch

(de seguir)

(*) Un grand mercé al Congrès Permanent de la Lenga Occitana que sus verboc https://dicodoc.eu/fr/conjugaisons balha lo vèrb plòure a totas las personas. 

blue and yellow bird on brown tree branch

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.