L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 26 de decembre de 2024
Còp de maissa
Bonjorn, amics lectors de mas cronicas. Vos mercegi plan, e ne profièchi per vos desirar una bona annada, plan granada, e la santat.
Per lo mens que siá melhora que l’annada 2024. Per aquò caldrà pas córrer, que n’avèm acumulat de malastres, lo darrièr en data lo de Mayotte en « França », susvengut lo 14 de decembre de 2024 e que devèm al ciclon Chidò.
Ne caldrà d’annadas per petaçar aquela isla que craca de pertot, e ne caldrà de temps per amaisar lo dòl des Mahorais, alara que 12 jorns après la terribla catastròfa, lo bilanç definitiu de las victimas pòt pas èsser establit. E es pas segur que lo siá un jorn.
Coma avètz pogut vos en avisar, me soi donat per principi de pas abordar las questions politicas, amai se coma cadun, de còps ne pensi pas mens de la situacion de nòstre país e de sa seria de primièrs ministres en C.D.D.
Mas uòi vòli far un pas de costat que quicòm me peta als uòlhs (de buòu) dempuèi de temps, e me prusís de ne parlar. Espèri que me serà perdonat.
Ja per èsser positiva, remarcarai qu’avèm un govèrn, enfantat dins la dolor es verai. Per son eficacitat e la durada de son contracte, veirem aquò dins un avenidor mai o mens pròche.
Mai uòi, vòli parlar de mond, dont lo nom « flaira bon la França », e que tenon de prepauses aissables envèrs los immigrats.
Pasmens nòstre país es compausat de gents d’originas divèrsas, e de totes temps, los estrangièrs se son integrats bon an mal an en çò nòstre. An trabalhat, se son fach lor trauc e aquò va plan (anava plan).
Ò n’avèm entendut de mots vexants a lor encontre, mas fin finala, patin patan, per lo biais dels vesinatges, per lo trabalh o per los maridatges, las causas son entradas dins l’òrdre e cadun finiguèt per acceptar l’autre.
E vaquí que per seguir una tendéncia malsanissa que se desvolopa dins mantuns païses europencs, la tentacion es de mai en mai granda de menar regde los immigrats.
De mon biais, sens denegar los problèmas qu’existisson realament, me sembla qu’es pena perduda : lo que se’n va d’en cò sieu, daissant sa familha tras el per préner un batèl qu’òm podriá batetjar « Negafòl », e anar afrontar per exemple nòstra mar Mediterranèa, venguda lo mai grand cementèri sosmarin de la planeta (e es pas un títol gloriós), aquel partís pas per anar far de torisme.
Òm podriá benlèu pensar « de qu’auriái fach a sa plaça ? ». E en mai, a la reflexion, se cal avodar qu’avèm pas encara res vist, que la question de l’immigracion climatica es totjorn davant nosautres, malgrat qualques signes que trompan pas.
Mon prepaus serà just d’observar que d’unes que, sián a las manetas o dins l’oposicion e qu’entendon s’ocupar d’aquela question espinosa, se podrián remembrar que una o doas generacions en darrièr, lors aujòls foguèron aculhits en França. Pas totjorn de bon grat, o cal reconéisser, mas poguèron viure dins un país ont lo mot « Republica » vòl dire quicòm, un país que demòra encara envejable. D’alhors dins de nombroses domenis, d’unes an largament contribuït a far brilhar França.
Alara, s’entendre parlufejar sus los estrangièrs fa totjorn de mal a l’anma, l’entendre de mond dont la consonança del nom fa ges de dobta sus lors originas, aquò es plan pièger…que serián pas aicí se lors aujòls avián pas pogut i èsser abans eles…
E per lo còp, se me fend lo còr de plagiar lo Marescal Pétain dins son discors del 17 de junh de 1940, me pòdi pas empachar de dire « Franceses, avètz vertadièrament la memòria corta ».
Enfin, se d’unes estiman dever quicòm a nòstre país, i a mila autras menas de lo servir puslèu que de picar sus los immigrats.
Coup de gueule
Bonjour, amis lecteurs de mes chroniques. Je vous remercie bien, et j’en profite pour vous souhaiter une bonne année, bien prolifique, et la santé.
Pour le moins qu’elle soit meilleure que l’année 2024 car nous en avons accumulé des malheurs, le dernier en date celui de Mayotte « en France », survenu le 14 décembre 2024 et que l’on doit au cyclone Chido.
Il en faudra des années pour réparer cette île qui craque de partout, et il en faudra du temps pour apaiser la douleur des Mahorais, alors que 12 jours après la terrible catastrophe, le bilan définitif des victimes ne peut pas être établi. E il n’est pas sûr qu’il le soit un jour.
Comme vous avez pu vous en apercevoir, je me suis donné pour principe de ne pas aborder les questions politiques, bien que comme tout un chacun, parfois je n’en pense pas moins de la situation de notre pays et de sa série de premiers ministres en C.D.D.
Mais aujourd’hui je veux faire un pas de côté car quelque chose me saute aux yeux (de bœuf) depuis trop longtemps, et cela me démange d’en parler. J’espère que cela me sera pardonné.
Déjà pour être positive, je remarquerai que nous avons un gouvernement, enfanté dans la douleur c’est vrai. Pour son efficacité et la durée de son contrat, nous verrons ça dans un avenir plus ou moins proche.
Mais aujourd’hui, je veux parler de gens, dont le nom « fleure bon la France », et qui tiennent des propos détestables envers les immigrés.
Pourtant notre pays est composé de gens d’origines diverses, et de tous temps, les étrangers se sont intégrés bon an mal an chez nous. Ils ont travaillé, ils ont fait leur trou, et ça va bien (ça allait bien).
Ho nous en avons entendu des mots vexants à leur encontre, mais, finalement, patin patan, par le biais des voisinages, par le travail ou par les mariages, les choses sont rentrées dans l’ordre et chacun a fini par accepter l’autre.
Et voici que pour suivre une tendance malsaine qui se développe dans maints pays européens, la tentation est de plus en plus grande de serrer la vis envers les immigrés.
De mon point de vue, sans renier les problèmes qui existent réellement, il m’apparaît que c’est peine perdue : celui qui part de chez lui, laissant sa famille derrière lui pour prendre un bateau qu’on pourrait baptiser « Coque de noix », et aller affronter par exemple notre mer Méditerranée, devenue le plus grand cimetière sous-marin de la planète (et ce n’est pas un titre glorieux), celui-là ne part pas pour aller faire du tourisme.
Peut-être pourrions-nous penser « qu’aurais-je fait à sa place ? ». Et de plus, à la réflexion, il faut s’avouer que nous n’avons encore rien vu, car la question de l’immigration climatique est toujours devant nous, malgré quelques signes qui ne trompent pas.
Mon propos sera juste d’observer que certains, qu’ils soient aux manettes ou dans l’opposition et qui entendent s’occuper de cette question épineuse, pourraient se souvenir qu’une ou deux générations en arrière, leurs aïeux ont été accueillis en France. Pas toujours de bon gré, il faut le reconnaître, mais ils ont pu vivre dans un pays où le mot « République » veut dire quelque chose, un pays qui reste encore enviable. D’ailleurs dans de nombreux domaines, certains ont largement contribué à faire briller la France.
Alors, si entendre dégoiser sur les étrangers fait toujours mal à l’âme, l’entendre de gens dont la consonance du nom ne fait pas de doute sur leurs origines, cela est bien pire…car ils ne seraient pas ici si leurs ancêtres n’avaient pu y être avant eux..
E pour le coup, si cela me fend le cœur de plagier le Maréchal Pétain dans son discours du 17 juin 1940, je ne peux m’empêcher de dire « Français, vous avez vraiment la mémoire courte ».
Enfin, si certains estiment devoir quelque chose à notre pays, il y a mille autres façons de le servir, plutôt que de taper sur les immigrés.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
E mai a vos la Bona annada granada e santadosa
Mercé per aquel còp de Maissa
Cal contunhar de téner l’eissèrva drecha