L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 1r d’octòbre de 2025
LA GUÈRRA A BON MERCAT
Aquò depend se parlam d’òmes o de material de guèrra.
Per çò qu’es dels òmes, la guèrra serà pas jamai a bon mercat : un òme mòrt es un mòrt de tròp ; sovent un òme joine, que sa vida s’arrèsta bruscament, brutalament, alara qu’aviá encara tant e tant de causas a descobrir, a partejar, a viure tot simplament. Sens parlar dels nafrats a vida.
E per çò qu’es del material, òm i va de bon còr, a còps de drones pas trop cars a fabricar.
DRONE : vaquí un mot que, fa qualques annadas, lo comun dels mortals n’aviá pas jamai ausit parlar. E ara, se passa pas una ora sens ausir aquel mot ; e pas en ben.
Aquel avionet sen pilòte, lo devèm a un francés, Max Boucher.
Lo 2 de julhet de 1917 (es pas ièr matin), capitèt l’envòl d’un avion sens pilòte. Faguèt 500 mètres a 50 mètres d’auçada, e pas mai, que… foguèt a cort de carburant !
Èra una debuta. Emai qu’aquel jorn, lo sénher Boucher auriá melhor fach de se copar la camba…mas, per sa defensa, es pas segur qu’aguèsse anticipat l’utilizacion de son engenh per faches de guèrra al sègle XXI. E de tot biais, es verai que lo drone estalvia al mens una vida, la del pilòte.
Lo sénher Boucher foguèt pas tot sol a s’interessar a aquel mòde novèl d’aviacion.
Las diferentes nacions industrialas s’i metèron per melhorar aquel engenh, en particular en i embarcant una camèra, e son los angleses que i balhèron son nom per assimilacion al bruch d’alas del forselon. ( Queen Bee)
Mas ara serem pas estonats d’apréner que son los chineses que n’empòrtan lo mercat a l’auçada de 90 %.
L’avionet es atanben emplegat dins lo domeni public, e rend força servicis als secors, al jornalisme, dins l’agricultura…o per jogar.
Fin finala lo Max Boucher a plan fach de conservar sa camba.
Per l’istorieta, aprendrem que son recòrd de vitessa (la del drone) es de 375 km a l’ora, e que pòt volar pendent una ora.
Cal esperar que lo jorn onte les òmes se cromparàn una sapiéncia, los drones, coma tant d’autras descobèrtas serviràn sonque a lor benaise e a lors lésers.
Après tot, es pas defendut de somiar !
LA GUERRE A BON MARCHÉ
Cela dépend si l’on parle d’hommes ou de matériel de guerre.
Pour ce qui est des hommes, la guerre ne sera jamais à bon marché : un homme mort est un mort de trop ; souvent un homme jeune, dont la vie s’arrête brusquement, brutalement, alors qu’il avait encore tant de choses à découvrir, à partager, à vivre tout simplement. Sans parler des blessés à vie.
Pour ce qui est du matériel, on y va de bon cœur, à coups de drones pas trop chers à fabriquer.
DRONE : voici un mot que, il y a quelques années, le commun des mortels n’avait jamais entendu. Et maintenant, il ne se passe pas une heure sans entendre ce mot ; et pas en bien.
Ce petit avion sans pilote, nous le devons à un français, Max Boucher.
Le 2 juillet 1917 (ce n’et pas hier matin), il réussit l’envol d’un avion sans pilote. Il fit 500 mètres à 50 mètres de hauteur, et pas plus, car…il fut à court de carburant !
C’était un début. Du reste ce jour-là, le sieur Boucher aurait mieux fait de se couper la jambe…mais pour sa défense, il n’est pas sûr qu’il ait anticipé l’utilisation de son engin pour faits de guerre au 21ème siècle. Et de toute façon, il est vrai que le drone économise au moins une vie, celle du pilote.
Le sieur Boucher n’a pas été le seul à s’intéresser à ce nouveau mode d’aviation.
Les différentes nations industrielles s’y sont mises pour améliorer cet engin, en particulier en y embarquant une caméra, et ce sont les anglais qui lui donnèrent son nom par assimilation au bruit d’ailes du faux bourdon (Queen Bee).
Mais maintenant, nous ne serons pas étonnés d’apprendre que ce sont les chinois qui en emportent le marché à hauteur de 90%.
Le petit avion est aussi employé dans le domaine public, et rend de grands services aux secours, au journalisme, dans l’agriculture…ou pour jouer.
Finalement, Max Boucher a bien fait de conserver sa jambe.
Pour la petite histoire, nous apprendrons que son record de vitesse (celui du drone) et de 375 km à l’heure, et qu’il peut voler pendant une heure.
Il faut espérer que le jour où les hommes s’achèteront une sagesse, les drones, comme tant d’autres découvertes, ne serviront rien qu’à leur bien-être et à leurs loisirs.
Après tout, ce n’est pas défendu de rêver !
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires