Las plantas e los aucèls dins los contes e las cançons (2)
Plantas e aucèls dins los contes e las cançons
En 1975, èri a Besièrs al cercle occitan per apréner a dire, legir, escriure l’occitan.
Los corses èran animats per Ives Roqueta, Admond Albi, Claudi Molinièr.
Aquò èra plan. I avia tanben Maria Roanet. Un jorn a la fin del cors cantèt de cançons tradicionalas. Me remembri subretot del « Nadal dels aucèls » qu’avèm plan cantat amb la còla del cercle :
« Aici l’Estèla de Nadal,
Qu’es aquel bruch sus nòstre ostal ?
– Es una tropa d’aucelons,
A Betelèm van dos per dos.
Dins l’establet, lo rei del cèl
Dòrm entre l’ase e lo maurèl
Digatz, aucèls qué venetz far ?
Venèm lo bon Dieu adorar
Lo pol s’avança lo primièr,
Monta sul boès del rastelièr
E per començar l’orason,
Entonan son Cocon Rocon.
Lo cardin sortís de son nis,
Saluda e ditz : Tirli-chiu-chiu
Chiu-chiu respond lo passerat,
E la calha fa : Palpabat
Lo mèrle arriba en estiflant,
Lo linòt en cantutlejant,
Lo pijon fa : Rocon-rocon,
La lauseta : Tira-liron
Vaquí venir lo reipetit,
Acompanhat del verduret
Sus un aubar lo rossinhòl,
Canta son « do,re,mi,fa,sòl »
Per onorar lo filh de Dieu
Venètz en granda devocion
Pastors, aucèls, àngels del Cèl,
Totes cantem : « Noël,Noël ! »
Es una cançon qu’aimi plan cantar dins los espectacles per los pichons e los grands ! Es totjorn benvenguda e fòrça aimada ! Un omenatge a Maria Roanet, cantaira.
Dins aquela cançon, se trapa un fum d’aucèls, plan coneguts o non ! E per apréner mai sus los aucèls vos cal legir lo libre « D’aucèls e d’òmes » editat per Erau Edicions. Trabalh realisat per la còla dels « Tega los » de Clarmont d’Erau e Joan Loís Segondy, l’autor.
La setmana venenta parlarem d’arbres e de plantas dins de racontes e una randonada dins lo mond de las bèstias, de l’òme e de las cresenças.
Zon al còp que ven
LO DARRIÈR BÒBI, Fonce maestro !
Plantes et oiseaux dans les contes et les chansons (2)
En 1975, j’étais à Béziers au cercle occitan pour apprendre à dire, lire, écrire l’occitan.
Les cours étaient animés par Yves Rouquette, Edmond Albi,Claude Molinier.
C’était bien. Il y avait aussi Marie Rouanet. Un jour à la fin du cours, elle chanta des chansons traditionnelles. Je me rappelle surtout du « Noël des oiseaux » que nous rechantions avec l’équipe du cercle :
« Ici l’Étoile de Noël,
Quel est ce bruit sur notre maison ?
– C’est une troupe d’oisillons,
À Bethléem, ils vont deux par deux.
Dans la petite étable, le roi du ciel
Dort entre l’âne et le bœuf
dites, les oiseaux que venez-vous faire ?
Nous venons adorer le bon Dieu.
Le coq s’avance le premier,
Monte sur le bois du râtelier
E pour commencer l’oraison,
Entonne son Coucou Roucou.
Le chardonneret sort de son nid,
Salue et dit : Tirli-chiu-chiu
« Chiu-chiu » répond le moineau,
Et la caille fait : Palpabat
Le merle arrive en sifflant,
La linotte en chantonnant,
Le pigeon fait : Roucou-roucou,
L’alouette : Tira-lirou
Voici venir le roitelet,
Accompagné du bruand
Sur un peuplier blanc le rossignol,
Chante son « do,re,ré,mi,fa,sol »
Pour honorer le fils de Dieu,
Venez en grande dévotion
Bergers, oiseaux, anges du Ciel,
et tous chantons : « Noël, Noël ! »
C’est une chanson que j’aime bien chanter dans les spectacles pour les petits et les grands-parents ! Elle est toujours bienvenue et beaucoup aimée ! Un hommage à Maria Rouanet, chanteur.
Dans cette chanson on trouve un grand nombre d’oiseauxbien connus ou non ! Et pour en savoir plus sur les oiseaux il faut lire le livre « Des oiseaux et des hommes » édité par Erau Edicions. Travail réalisé par l’équipe des « Tega los » de Clermont l’Hérault et Jean Louis Segondy, l’initiateur.
La semaine prochaine nous parlerons d’arbres et des plantes dans des récits et une randonnée dans le monde des bêtes, de l’homme et des croyances.
Allez, zou à bientôt !
Lo Mescladís e Zibola, lo libre dau Bòbi en venda dins totas las bonas librariás !
Una pòrta d’intrada dins la lenga e la cultura occitana, una pòrta bèla qu’aquelas cronicas, a l’origina radiofonicas per ràdio Lengadòc e ràdio Lodeva, destriadas en quatre categorias: « Contes e legendas »; « Cultura occitana »; « Fèstas e jòcs »; e « O sabiatz? » Lo legeire, novelaire o assabentat de la causa occitana, i farà son pro e i trobarà sens cap de dobte son bonaür. Completadas per l’Istòria polida de Zibola premiada per lo CAÒC en 2023.
0 commentaires