L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 31 de març de 2026
LO PLOMB
Lo plomb es un metal malleable. Foguèt utiizat largament dins las pinturas e dins la tudelariá.
D’unes ensagèron de lo transformar en aur, e òm pòt dire que foguèt una capitada…que faguèt lèu mèuca ; pasmens èra tròp temptant d’aver a posita l’accelerador de particulas, que se tròba a Genèva per ne pas profechar. Metèron tot aquò aquí dedins, e buta, a la velocitat del lum. Aquò a balhat 86 miliards de nuclis d’aur. Èra l’America !… Mas los fisicians dison qu’es pas possible d’anar al cap de l’experiéncia. E ieu que ne sabi pas mai, los cresi.
Mas seriosament, coneissèm los efièches del plòmb sus la santat ; lo plòmb provoca d’ipertension, de trebols del còrs, emai pòt balhar de nenons prematurats.
Lo plomb es classat cancerigèn dempuòi 1980.
Mas bona novèla : en 50 ans, lo taus de plomb qu’avèm au dintre de nautres es estat devisit per 10.
Sens voler cercar de borra sus un uòu, de cercaires de l’Universitat de l’UTAH ne faguèron la demonstracion, amb de pelses.
En febrièr de 2026, donc fa pas gaire, analizèron mantuna generacion de pelses umans sus un periòd de 10 ans.
Per trobar de pelses vièlhs, serián anats rendre visita a lors grands, qu’avián servat, coma totas las mametas, una flòta de pelses, a costat de la fotografia de lors cars despareguts, emai dels autres. De qué rementar tanben amb nostalgia de sovenirs a qualques capplumats…
Lo plomb es toxic. Dempuòi Neandertal, es causa d’un fum de malautiás. Es sospechat d’èstre responsable de la casuda de l’empèri roman, tant los romans l’utilizèron sens parsimonia… Segur qu’aquò a pas tirat de lagremas a nòstres reires.
L’incidéncia del plomb sus nòstre Q.I. sembla averada.
E es aquí que ne vòli venir : ara es constatat que la concentracion de plomb a encara augmentat en causa lo desvolopament d’industrias nòvas. Per aquò l’estudi en question. E perqué sus de pelses ? un solet dins un espectomètre nos revèla sos elements quimics ; es mens precís qu’un bilanç sanguin, mas representa una bona concentracion dins lo temps.
Seriá lamentable de tornar en rè, alara que la situacion s’èra ameliorada dempuòi 1970.
Es l’annada ont Sén. Nixon, President dels Estats-Units, obrèt per fondar l’agéncia de proteccion de l’environament (EPA), al motiu de far respectar las normas en vigor. Per exemple interdiccion del plomb dins l’esséncia. Es verai que far lo plen de la veitura amb de « sens plomb » es vengut quicòm de banal. Auriá menat a eliminar a quicòm pròche un quilograma de plomb per persona e par an ; es aquò de mens dins l’atmosfèra. Òm vei l’interès de luchar contra la remesa en causa d’aquelas agéncias cargadas de faire respectar las dichas nòrmas.
Tot çò que se pòt esperar, es que lo monde que son cargats de tot aquò aguèsson encara de plomb dins la tèsta per preconizar las bonas decisions ; parièr per los qu’an la carga de las faire aplicar, sens cercar d’autre interèsses que de preservar nòstra santat e la de la planeta.
LE PLOMB
Le plomb est un métal malléable. Il a été largement utilisé dans les peintures et dans la tuyauterie.
Certains ont essayé de le transformer en or, et l’on peut dire que ce fut une réussite…qui a vite fait pschitt ; Pourtant c’était trop tentant d’avoir à portée de main l’accélérateur de particules, qui se trouve à Genève, pour ne pas en profiter. Ils mirent tout cela à l’intérieur, et en avant, à la vitesse de la lumière. Cela a donné 86 milliards de noyaux d’or. C’était l’Amérique !…Mais les physiciens disent qu’il n’est pas possible d’aller au bout de l’expérience. Et moi qui n’en sais pas plus, je les crois.
Plus sérieusement, nous connaissons les effets du plomb sur la santé ; le plomb provoque de l’hypertension, des troubles cardiovasculaires, et en plus, il peut donner des bébés prématurés.
Le plomb est classé cancérigène depuis 1980.
Mais, bonne nouvelle : en 50 ans, le taux de plomb que nous avons en nous a été divisé par 10.
Sans vouloir chercher un poil sur un œuf, des chercheurs de l’Université de l’UTAH en ont fait la démonstration, avec des cheveux.
En février 2026, donc maintenant, ils ont analysé plusieurs générations de cheveux humains sur une période de 10 ans.
Pour trouver de vieux cheveux, ils seraient allés rendre visite à leur grand-mère, qui avait gardé, comme toutes les grands-mères, une mèche de cheveux à côté des photos de leurs chers disparus et même des autres. De quoi rappeler aussi avec nostalgie, des souvenirs à quelques chauves…
Le plomb est toxique. Depuis Neandertal, il est la cause de nombreuses maladies. Il est suspect d’être responsable de la chute de l’empire romain, tant les romains l’ont utilisé sans parcimonie…Pour sûr que cela n’a pas dû tirer des larmes à nos ancêtres.
L’incidence du plomb sur notre Q.I. semble avérée.
Et c’est là que je veux en venir : maintenant, il est constaté que la concentration de plomb a encore augmenté à cause du développement d’industries nouvelles. C’est le pourquoi de l’étude en question. Et pourquoi sur des cheveux ? un seul dans un spectomètre nous révèle ses éléments chimiques ; c’est moins précis qu’un bilan sanguin, mais cela représente une bonne concentration dans le temps.
Il serait regrettable de reculer, alors que la situation s’était améliorée depuis 1970.
C’est l’année ou M. Nixon, Président des Etats-Unis, a œuvré pour fonder l’agence de protection de l’environnement (EPA), au motif de faire respecter les normes en vigueur. Par exemple, interdiction du plomb dans l’essence. Il est exact que faire le plein de la voiture avec du « sans plomb » est devenu quelque chose de banal. Cela aurait conduit à éliminer à peu près un kg de plomb par personne et par an ; et cela de moins dans l’atmosphère. On voit l’intérêt de lutter contre la remise en cause de ces agences chargées de faire respecter les dites normes.
Tout ce que l’on peut espérer, c’et que les gens qui sont chargés de tout cela aient encore du plomb dans la tête pour préconiser les bonnes décisions ; de même pour ceux qui ont la charge de les faire appliquer, sans rechercher d’autre intérêt que celui de préserver notre santé et celle de la planète.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires