L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 15 d’agost de 2025
SUSPRESA ESTRANHA
Una pichoneta per la rota coma se ditz. Just de qué tornar donar lo balanç, que l’intrada de setembre se sarra a grands passes, e amb ela la represa de nòstras activitats :
Mameta prend son carreton, e malgrat la terribla calor d’aquel estiu 2025, se’n va al supermercat. Cal ben manjar !
D’un còp te vei sus lo parapet, tota soleta, una boita d’aluquetas, benlèu doblidada per los qu’an près l’abituda de se venir assetar a l’ombra de la vegetacion.
Mameta, caminant plan-planeta, parlava tota soleta : « n’i a pro d’aquel ventàs tant caud, qu’aparia amb tant de vigor magistral e tramontana ».
Dins aquel mitan d’estiu, se parla pas que d’incendis, coma dins Auda, nostra vesina. 17 ha de tèrras cremadas, emai 36 ostals, e d’evacuacions a bodre.
« E lo mond que daissan rebalar d’aluquetas a portada de mans d’enfants ! »
Coma mameta pèrd pas encara complètament lo babaròt, per temptar pas un drollet(eta) que seriá en manca de colhonadas, rafla la boita e la met dins sa pòcha.
Tornada a l’ostal recapta la boita amb sas autras aluquetas, e i pensa pas pus.
Pèrd pas la bola mameta, mas sa cervèla a baissat d’un cran, o de dos, o… ?
Mas l’endeman se ditz que caldriá ben la dobrir aquela boita . Tanlèu dich, tanlèu fach, e de qué i troba ? D’aluquetas nòvas. Bon. E d’aluquetas qu’an ja servit. Aquò es pas grèu. E i troba dos junts, ja fumats !
Alara pensant qu’auriá pogut daissar aquela boita dins lo tirador fins a sa mòrt, se met a rire, a rire !
Sos enfants e sos nenons qu’èran de passatge en cò d’ela, vòlon saupre çò que la fa tant rire.
S’expliqua ; « es imaginant vòstra tèsta s’aviatz trapat los junts après ma mòrt. Vos entendi coma se i èri : sabiam que mameta èra un pauc ollé ollé, qu’aviá pas jamai fach la bèba davant un aperitiu, qu’aviá pas jamai escopit dins un bon vin. Sabiam qu’aviá fumat pendent d’annadas de « Gallesas ». Mas d’aquí a fumar lo petard ! Aquò per exemple ! ela que nos metiá tant en garda contra tot aquò ! ».
E trotejant, se’n torna en romegant : ten, se solament òm podiá morir pas complètament, pas que lo temps de veire la cara de sos eretièrs ! Segur que de còps òm podrià n’èsser un pauc susprés !
ÉTRANGE SURPRISE
Une petite pour la route comme on dit. Juste de quoi remettre la mécanique en branle, car la rentrée de septembre se profile à grands pas, et avec elle la reprise de nos activités :
Mamée prend son caddie des commissions, et malgré la terrible chaleur de cet été 2025, s’en va au supermarché. Il faut bien manger !
Tout d’un coup elle voit sur le parapet, toute seule, une boîte d’allumettes, peut-être oubliée par ceux qui ont pris l’habitude de venir s’asseoir à l’ombre de la végétation.
Mamée, cheminant lentement, parlait toute seule : « il y en a assez de ce grand vent si chaud, qui marie avec tant de vigueur mistral et tramontane ».
En ce milieu d’été, on ne parle que d’incendies, comme dans l’Aude notre voisine. 17 ha de terres brûlées, ainsi que 36 maisons, et des évacuations à la pelle.
« Et les gens laissent traîner des allumettes à portée de mains d’enfants ! ».
Comme mamée ne perd pas encore complètement la boule, pour ne pas tenter un « petit » qui serait en manque de c…., rafle la boîte et la met dans sa poche.
Revenue à sa maison, elle range la boîte avec ses autres allumettes, et n’y pense plus.
Elle ne perd pas la boule mamée, mais sa cervelle a baissé d’un cran, ou de deux, ou…. ?
Mais le lendemain elle se dit qu’il faudrait bien l’ouvrir cette boîte. Sitôt dit, sitôt fait, et qu’y trouve-t-elle ? Des allumettes neuves. Bon. Des allumettes ayant déjà servi. Ce n’est pas grave. Et elle y trouve deux joints déjà fumés !
Alors pensant qu’elle aurait pu laisser cette boîte dans le tiroir jusqu’à sa mort, elle se met à rire, à rire !
Ses enfants et ses petits-enfants qui étaient de passage chez elle veulent savoir ce qui l’amuse autant.
Elle s’explique : « c’est en imaginant votre tête si vous aviez trouvé les joints après ma mort. Je vous entends comme si j’y étais ; on savait que mamée était un peu olé olé, qu’elle n’avait jamais fait la tête devant un apéritif, qu’elle n’avait jamais craché dans un bon vin. On savait qu’elle avait fumé des « gauloises » pendant des années. Mais de là à fumer des pétards ! Ça par exemple ! elle qui nous mettait tant en garde contre tout ça ! »
Et trottinant, elle s’en en marmonnant : Tiens, si seulement on pouvait mourir pas complètement, juste le temps de voir la tête de ses héritiers ! pour sûr qu’on pourrait parfois en être surpris !
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires