L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 2 de febrièr de 2026
NOVÈLAS ESPÈCIAS DE GRAPAUDS
Lo qu’a pas agut un dròlle qu’aimava córrer la garriga amb sos companhs, serà estonat d’aquela cronica qu’a pas grand causa de scientific.
Los autres per contra, tant pauc que lors dròlles sián venguts d’òmes, se remembraràn benlèu amb tendresa l’epòca ont tota la còla d’amiguets tornava a l’ostal, en susor e la cara regaudida.
Las gròlas trempadas d’aver chauchat dins un graulhàs, portavan, triomfants, un tresaur : de graulhets !
Èran admiratius d’aquela vida en devenir. Mas nosautras, las mamàs, nos caliá èstre vigilantas, que podiá arribar que los graulhets finiguèsson dins la pòcha de lors bralhas, ont los avián recaptats. Puòi, preissats de tornar jogar, i pensavan pas mai.
Nos podèm glorificar de n’aver salvat mai d’un de la bugada ! Mancàvem pas d’explorar las pòchas ont vesinavan de calhaus, de cauquilhages, de bilhas, un flòc de bòi… te sabi ieu ?
Se per un còp de bagueta magica, nòstres dròlles tornavan en enfança, mas en Tanzania, benlèu se podrián targar d’aver dins lors mans, un tresaur encara mai grand : tres novèlas espècias de grapauds venon d’èstre descobertas.
Lor particularitat es de nàisser ja formats, que passan pas per l’estadi de graulhets !
Coma nosautres, umans, son estats portats dins lo ventre de lor maire. Son vivipars. Òm ditz qu’es quicòm de rare.
Los scientifics an lor rason (que m’escapa) de considerar aquela descobèrta coma fòrça importanta.
S’afanan atanben d’apondre qu’aquelas espècias son fragilas. Son estadas trobadas dins una forèst en altitud, e semblan ja menaçadas per lo cambiament climatic. Donc ne caldriá pas tròp prelevar.
Es pas lo primièr còp que los saberuts, a dicha de cercar amb capuditge tròban d’espècias novèlas d’animals o de plantas.
Aquò nos fa soscar sus la diversitat de la natura que ne finís pas de nos estonar, e nos tòrna menar a nòstras originas, tan reculadas, a l’epòca que los òmes vivián encara dins l’aiga. A qué podiam ben ressemblar ? Mistèri !
Per ne saupre mais, es lo moment de cabussar dins los libres o dins l’internet.
D’alhors inviti los mai curiosos a picar a la pòrta de Chat GPT. E se ne volètz de noms scientics, de noms a colcar defòra, n’auretz per vòstre argent (subretot qu’es a gratis).
Sabi pas a que vos servirà… Ja a satisfar vòstra curiositat, e benlèu a brilhar dins los sopars, anatz saupre !
NOUVELLES ESPÈCES DE CRAPAUDS
Celui qui n’a pas eu un gamin qui aimait courir la garrigue avec ses copains, sera étonné de cette chronique qui n’a pas grand chose de scientifique.
Les autres par contre, pour si peu que leurs gamins soient devenus des hommes, se souviendront peut-être avec tendresse de l’époque où toute la bande de petits amis revenaient à la maison, en sueur et la mine réjouie.
Les chaussures trempées d’avoir pataugé dans une mare, ils portaient triomphants, un trésor : des têtards !
Ils étaient admiratifs de cette vie en devenir. Mais nosautres, les mamans, il nous fallait être vigilantes, car il pouvait arriver que les têtards finissent dans la poche de leur pantalon où ils les avaient rangés. Puis pressés de retourner jouer, ils n’y pensaient plus.
Nous pouvons nous glorifier d’en avoir sauvé plus d’un de la lessive ! Nous ne manquions pas d’explorer les poches où voisinaient des cailloux, des coquillages, des billes, un morceau de bois…je sais moi ?
Si, par un coup de baguette magique, nos gamins revenaient en enfance, mais en Tanzanie, peut-être pourraient-ils se targuer d’avoir dans les mains, un trésor encore plus grand : trois nouvelles espèces de crapauds viennent d’être découvertes.
Leur particularité est de naître déjà formés, car ils ne sont pas passés par le stade de têtards !
Comme nous, humains, ils ont été portés dans le ventre de leur mère. On dit que c’est quelque chose de rare.
Les scientifiques ont leur raison (qui m’échappe) de considérer cette découverte comme très importante.
Ils s’empressent aussi d’ajouter que ces espèces sont fragiles. Elles ont été trouvées dans une forêt en altitude, et semblent déjà menacées par le changement climatique. Donc il ne faudrait pas trop en prélever.
Ce n’est pas la première fois que les savants, à force de chercher avec acharnement trouvent des espèces nouvelles d’animaux ou de plantes.
Cela nous fait réfléchir sur la diversité de la nature qui n’en finit pas de nous étonner, e nous ramène à nos origines, à l’époque très lointaine où les hommes vivaient encore dans l’eau. A quoi pouvions-nous bien ressembler ? Mystère !
Pour en savoir plus, c’est le moment de se plonger dans les livres ou dans internet.
D’ailleurs j’invite les plus curieux à toquer à la porte de Chat GPT. Et si vous en voulez des noms scientifiques à coucher dehors, vous en aurez pour votre argent (surtout que c’est gratuit).
Je ne sais pas à quoi cela vous servira…déjà à satisfaire votre curiosité, et peut-être à briller dans les dîners, allez savoir !
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires