L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 5 de març de 2026
LA VIDA VIDANTA
7 oras. Un bon cafè, amb tot çò que cal a costat : burre, confitura, mèl… nos vaquí d’ataca per organizar la jornada.
De qu’avèm per manjar ? Es dijòus, jorn de mercat.
I aurà de bonas costèlas per la grasilha e de bon cambajon de montanha, que lo carsaladièr a de produches de qualitat. De peis per aqueste ser. Per aquò sèm plan plaçats, de fruchas, de legums… e doblidar pas lo pan e de creissents per lo gostarron dels enfants.
E puòi se i a un luòc favorable als rescontres, es ben lo mercat.
Ten d’alhors, vaquí la
Magdalena.
– Magdalena, ò ! ò ! Vas al mercat ?
- Òc. Amai tu amb ton carreton, non ?
– E òc, ne profièche pendent que mon òme es partit faire le plen de gasolina : avèm ausit a la ràdio que repàpia que lo prètz dels carburants va augmentar, rapòrt als eveniments en Orient Mejan ; e aquesta tantossada, nos cal anar a cò de nòstra filha (per aquò los creissents)… aqueles enfants, an totjorn besonh de quicòm. Aquò fa pas res que sèm totjorn contents de los veire e encara mai los enfantons.
– Que ne dises d’aqueles eveniments ? Es pas besonh d’èstre grand clèrgue per compréner que totes aqueles revolums son pas bons per degun. : la guèrra en Ucraïna, que ne finís pas dempuòi 4 ans que dura.
E ara l’embrasament de l’Orient Mejan fins a la pòrta de nòstra l’Euròpa.
Rai per nosautres, qu’avèm coma disèm, nòstre avenidor detràs. Mas pensam a nòstres joines. Sabèm d’experiéncia qu’òm se relèva pas d’una guèrra coma aquò… quand òm se’n relèva…Enfin, cal gardar fisança e pas tròp mostrar nòstre inquietud .
Quane sadol ! Emai lo temps que se vòl pas metre al bèl. Es pas que faguèsse freg, mas totjorn de nívols, e de pluèja, e de nívols, e mai de pluèja. N’i a pro, sèm pas acostumats nosautres ! Mas sus lo temps avèm pas de presa, nos o cal préner coma es
Las campanas de la glèisa pican 9 oras.
– Òc 9 oras ! te quite, que quand mon òme va tornar i aurà res de lèste. Figura-te que me pren l’enveja de far una chichomèia. La primièra de la sason ; sabi ben que los vièts d’ase e las tomatas son pas de sason e venon pas del jardin d’a costat, alara que caldriá faire trabalhar los productors locals. Mas sabèm pas pus de qué metre, e las carròtas, los naps e lo caulet, basta !
– A vaquí la Janeta. Me i cal anar dire bonjorn, qu’es susceptible, sabes !
Èu ! Janeta, vas faire ton mercat ? E cossí vas ? E la familha, res de novèl ?
A la chut-chut :
A ! te voliái dire quicòm : o sabes que la filha de la Magdalena, la darrièra, fa portar las banas a son òme ? Amai dins las grandas largors ! Ten de banas tan grandas coma lo buòu de Mèsa.
– Amb qual ?
– O sabi ieu ? A ! si. Se ditz qu’es amb lo filh del buralista. Lo qu’es maridat amb la Francesa. Veses ? Enfin l’ai pas inventat, mas garda-zo per tu, que se la Magdalena l’apreniá me parlariá pas pus. Aquò me fariá de pena, qu’amb la Magdalena sèm amigas dempuòi la mairala. Ieu, se t’o disi sonqu’a tu, es pas per faire de petòfias, es just que sabi poder comptar sus ta discrecion…
E patin, e confin… corrís la rumor, e i a res de mai aisit per far córrer la rumor que lo mercat.
E patin, e confin…
LA VIE QUOTIDIENNE
7 heures. Un bon café, avec tout ce qu’il faut à côté : beurre, confiture miel…nous voici d’attaque pour organiser la journée.
Qu’avons-nous pour manger ?
c’est jeudi, jour de marché.
Il y aura de bonnes côtelettes pour le gril et du bon jambon de montagne, et le charcutier a des produits de qualité. Du poisson pour ce soir. Pour cela nous sommes bien placés. Des fruits, des légumes…et ne pas oublier le pain et les croissants pour le goûter des petits.
Et puis, s’il y a un lieu favorable aux rencontres, c’est bien le marché.
Tiens, d’ailleurs, voilà Madeleine.
– Madeleine, hou ! hou ! Tu vas au marché ?
– Toi aussi avec ton caddie, non ?
– Et oui, j’en profite pendant que mon mari est parti faire le plein d’essence : nous avons entendu à la radio qui radote que le prix des carburants va augmenter, à cause des événements au Moyen-Orient ; et cet après-midi il nous faut aller chez notre fille (c’est pour ça les croissants)…ces enfants, ils ont toujours besoin de quelque chose. Ca ne fait rien, nous sommes toujours contents de les voir et encore plus les petits-enfants.
– Qu’est-ce que tu en dis de ces événements ? II n’est pas utile d’être grand clerc pour comprendre que tous ces bouleversements ne sont bons pour personne : la guerre en Ukraine qui n’en finit pas depuis 4 ans qu’elle dure . Et maintenant l’embrasement du Moyen-Orient jusqu’à la porte de notre Europe.
Pas grave pour nous qui avons comme on dit, notre avenir derrière nous. Mais nous pensons à nos jeunes. Nous savons d’expérience qu’on ne se relève pas d’une guerre comme ça…quand on s’en relève.
Enfin, il faut garder confiance et ne pas trop montrer notre nquiétude.
Ily en a marre ! Et même le temps qui ne veut pas se mettre au beau. Il ne fait pas froid, mais toujours des nuages, de la pluie, des nuages, de la pluie. Ca suffit, nous n’avons pas l’habitude. Mais sur le temps nous n’avons pas de prise, et il faut le prendre comme il vient.
Les cloches de l’église sonnent 9 heures.
Hou ! 9 heures ! Je te laisse que quand mon mari va revenir il n’y aura rien de prêt. Figure-toi qu’il me prend l’envie de faire une chichoumeille. La première de la saison ; je sais bien que les aubergines , les navets et les tomates ne sont pas de saison et qu’ils ne viennent pas du jardin d’à côté, alors qu’il faudrait faire travailler les producteurs locaux.
Mais on ne sait plus que mettre, et les carottes, les navets et les choux, basta !
– Ah, voilà Jannette. Il me faut aller lui dire bonjour, car elle est susceptible, tu sais !
– Hé ! Jeannette, tu vas faire ton marché ? Et comment vas-tu ? et la famille, rien de nouveau ?
A voix basse :
Ah ! je voulais te dire quelque chose : tu le sais que la fille de Madeleine fait porter les cornes à son mari ? Même dans les grandes largeurs. Tiens des cornes aussi grandes que celles du bœuf de Mèze.
– Avec qui ?
– Je sais moi ? Ah si, on dit que c’est avec le fils du buraliste. Celui qui est marié avec Françoise. Tu vois ? Enfin je l’ai pas inventé, mais garde-le pour toi, que si Madeleine l’apprenait elle ne me parlerait plus. Ca me ferait de la peine, qu’avec Madeleine nous sommes amies depuis la maternelle. Moi si je te le dis qu’à toi, ce n’est pas pour faire des ragots, c’est juste que je sais pouvoir compter sur ta discrétion…
Et patati, et patata…elle court la rumeur, et il n’y a rien de mieux que le marché pour la faire courir.
Et patati, et patata…
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires