L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 31 de mai de 2025
LOS RAUBAIRES DE COIRE
I a de professions que son en passa de se far vièlhs mestièrs.
Per exemple, es pas de uòi que se rauba quicòm qu’a totjorn agut de valor als uòlhs d’unes. Es lo cas del coire emai d’autres metals.
Lo 5 de març de 1907 a Cette (Seta), la polícia de Securitat faguèt una captura de las bèlas.
Lo biais de far fasiá pensar a una banda organizada. D’efièch, un fum de tudèls e de racòrds avián despareguts d’un batèl « La Suceuse ». Aquò al prejudici de la Companhiá dels Trams e de Monsur Chevalièr, entrepreneire.
Lo capmèstre de la Securitat, Monsur Combes, que mancava pas de nas, comprenguèt que caliá adralhar las recèrcas en direccion d’una fondariá clandestina.
Sulpic s’acaminèt cap a totas las botigas de pelhaires e de mercadièrs de tintòlhas de la vila.
Es per aquel biais que totjorn lo 5 de març, dins la tantossada se rendèt en cò de Monsur Antoine Gabarròs, carrièra de la Darsa (devenguda dempuòi carrièra de La Peirada e de Tunís).
I trobèt l’Antoine que s’afairava a far fondre un gròs tudèl de coire d’un quinzenat de quilòs.
I trapèt atanben un dotzenat de quilòs d’alumini, una bicicleta, e de tròces de coire, de plomb e de zinc.
A son torn, lo comissari de polícia, Monsur Bourinet, dobriguèt une enquèsta, convoquèt Monsur Chevalièr e lo director de la Companhiá dels Trams. Totes dos diguèron reconéisser lors avers.
Los raubaires n’èran pas a lor còp d’assag e la polícia los pistava.
Èran dos joines òmes, Pierre Brune, 18 ans, e Jean Tichy, 17 ans. La valor espera pas lo nombre de las annadas…e pas qu’a las anmas plan nascudas…(es pas de ieu, es de Corneille).
Fin finala, los raubaires avodèron lor forfach d’una valor de 1 100 francs.
Lo recelaire se defendèt sens granda conviccion e los tres lairons foguèron transportats a Montpelhièr per i èstre meses en preson per qualques meses.
Per la pichòta istòria, lo Tichy que semblava èstre lo cap de la banda, aviá ja sus la patata lo raubatòri a son patron de 3 conilhs, e per far bona mesura lo raubatòri de plomb e autres metals. Quane topet !
Per acabar, òm pòt dire que la polícia aviá fach diligéncia per agantar los raubaires, a saupre amb quanes mejans a l’epoca ?
Per autant, lo mestièr de raubaires de metals se pòrta totjorn plan…aital naissan las tradicions.
Pasmens, se un jorn me pren l’enveja de me faire raubaira, m’en prendrai pus lèu, a prètz meteis, entre 6 e 7 èuros lo quilò, a un planponh de cerièras. Es mens lucratiu, segur, mas son talament bonas las cerièras…
LES VOLEURS DE CUIVRE
Il y a des professions qui sont en train de devenir des vieux métiers.
Par exemple, ce n’est pas d’aujourd’hui qu’il se vole ce qui a toujours eu de la valeur aux yeux de certains. C’est le cas du cuivre et autres métaux.
Le 5 mars 1907 à Cette (Sète), la police de la Sécurité en fit une belle capture.
La façon de faire faisait penser à une bande organisée. En effet, un grand nombre de tuyaux et de raccords avaient disparu d’un bateau « La Suceuse ». Cela au préjudice de la Compagnie des Tramways et de Monsieur Chevalier, entrepreneur.
Le chef de la Sécurité, Monsieur Combes, qui ne manquait pas de flair, comprit qu’il fallait diriger les recherches en direction d’une fonderie clandestine.
Il se mit aussitôt en marche vers toutes les boutiques de chiffonniers et de bric-à-brac de la ville.
C’est par ce biais que toujours le 5 mars, dans l’après-midi, il se rendit chez Monsieur Antoine Gabarros, rue de la Darse (devenue depuis rue de Lapeyrade et de Tunis).
Il y trouva Antoine qui s’affairait à faire fondre un gros tuyau de cuivre d’une quinzaine de kilos.
Il y trouva aussi une douzaine de kilos d’aluminium, une bicyclette, et des débris de plomb et de zinc.
A son tour, le commissaire de police, Monsieur Bourinet, ouvrit une enquête, convoquât Monsieur Chevalier et le directeur de la Compagnie des Tramways. Tous deux dirent reconnaître leurs biens.
Les voleurs n’en étaient pas à leur coup d’essai et la police les pistait.
C’était deux jeunes hommes, Pierre Brune, 18 ans, et Jean Tichy, 17 ans. La valeur n’attend pas le nombre des années…et pas qu’aux âmes bien nées…(c’est pas de moi c’est de Corneille).
Finalement, les voleurs avouèrent leur forfait d’une valeur de 1 100 francs.
Le receleur se défendit sans grande conviction et les trois larrons furent transportés à Montpellier pour y être mis en prison pour quelques mois.
Pour la petite histoire, le Tichy, qui semblait être le chef de la bande, avait déjà sur la conscience le vol à son patron de 3 lapins, et pour faire bonne mesure, le vol de plomb et autres métaux. Quel culot !
Pour finir, on peut dire que la police avait fait diligence pour attraper les voleurs, à savoir avec quels moyens à l’époque ?
Pour autant, le métier de voleurs de métaux se porte toujours bien…ainsi naissent les traditions.
Pourtant, si un jour il me prend l’envie de ma faire voleuse, je m’en prendrai plutôt, à prix égal, entre 6 et 7 euros le kilo, à une poignée de cerises. C’est moins lucratif pour sûr, mais c’est tellement bon les cerises…
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires