L’UÒLH DEL BUÒU

LA BILHETA DE L’IVONA DEL CERCLE OCCITAN DE MÈSA.

Ivona BEAUME, Mèsa, lo 4 de novembre de 2022.

La guèrra qu’an volgut es la guèrra a la guèrra,
Son mòrts per nòstra tèrra e per tota la tèrra. (Monument dels mòrts de Niana)

Coma cada an ven l’ora de commemorar la fin de la Guèrra Granda, la de 14/18.

Fa 104 ans qu’es acabada, mas la cal pas doblidar, coma cal pas doblidar la qu’a seguit en 1939. Per una nacion es a peneta lo temps de se remetre del prètz d’una guèrra.

Quantas familhas tocadas dins lor carn e dins lor còr per aver perdut lor paire o (e) lor fraire, o (e) lor filh !

Quants d’enfants en creis sens lor paire ! Quantas de mairas inconsolablas ! Quantas veusas desoladas e confrontadas soletas, a la rugositat de la vida.

E los òmes que ne tornèron de la Guèrra Granda, foguèt pas totjorn dins un estat envejable.

D’unes èran tant desfaciats que lors quites enfants podián pas afrontar lor agach. Pel còp la cirurgia estetica a fach de progresses enòrmes, cercant a rendre aqueles maluroses « presentables ». Magra consolacion.

D’autres i daissèron una camba, un braç, un uòlh…

E d’autres encara, per pèrdre pas lo cap, se vireron vèrs la « Diva » botalha. Qu’ajan aguts lo vin triste o lo vin risolièr, a l’ostal las familhas èran pas de nòça. Coma assegurar una jornada de trabalh, soventas fes de 10 oras, quand bandat a clau tre lo matin, òm se pòt pas téner drech ? E lo vin mancava pas dins nòstra region, al punt qu’èrem lo pus gròs fornidor de nòstra armada.

L’actitud d’aqueles òmes podiá far rire los enfants e la joinessa, mas pas lor femna.

Me remembre d’un papeta de mon entorn que los enfants avián batejat «Papeta gròs òs», raport a sas gròssas mans encoissinadas d’ancian tonelièr.

Quant aviá un còp dins lo nas, se metiá a cantar totjorn lo meteis refranh, exceptionalament en francés sioplèt ! es ben la pròva qu’aviá tornar menat aquela cançon del front :

 « L’eau qui mouille la grenouille n’a jamais mouillé mes dents,

  J’aime mieux qu’elle me mouille le dehors que le dedans ».*

 Dins lo periòd que vivèm, amb aquela guèrra en Ucraïna que comença a se far longueta, e per parlar que de çò que nos tòca de près, òm se pòt questionar mas que jamai sus los degalhs inefaçables de las guèrras.

 Tot faire per que lo missant temps revenguèsse pas, e subretot qu’aquò demorèsse pas un vòt piós.

             $$$$$$$

*Refranch retrobat dins lo libre L’oustal de mon enfance, de Norbèrt Calmels, nascut en 1908 e mòrt en 1985. Raconta que quand trabalhava dins sos camps, un pastre que lo crosava en gardant sos motons, aviá près l’abitud de li cantar aquel pichòt retinton.

Comme chaque année vient l’heure de commémorer la fin de la grande guerre, celle de 1914/1918.

Cela fait 104 ans qu’elle s’est achevée, mais il ne faut pas l’oublier, comme il ne faut pas oublier celle qui a suivi en 1939. Pour une nation c’est tout juste le temps de se remettre d’une guerre.

Combien de familles touchées dans leur chair et dans leur cœur pour avoir perdu leur père, ou (et) leur frère, ou (et) leur fils !

Combien d’enfants ont grandi sans leur père ! combien de mères inconsolables ! combien de veuves  éplorées et confrontées, seulettes, à la rugosité e la vie.

Quant aux hommes qui en sont revenus de la grande Guerre, ce ne fut pas toujours dans un état enviable.

Certains étaient défigurés à tel point que leurs propres enfants ne pouvaient pas affronter leur regard. De ce fait, la chirurgie esthétique a fait d’énormes progrès, cherchant à rendre ces malheureux « présentables ». Maigre consolation.

D’autres y ont laissé une jambe, un bras, un œil…

Et d’autres encore, pour ne pas perdre la tête, se sont tournés vers la dive bouteille. Qu’ils aient eu le vin triste ou le vin gai, à la maison, les familles n’étaient pas à la noce. Comment assurer une journée de travail, souvent de 10 heures, quand complètement saoul dès le matin, on ne peut pas se tenir debout ? Et le vin ne manquait pas dans notre région, au point que nous étions les plus gros fournisseurs de notre armée.

L’attitude de ces hommes pouvait faire rire les enfants et la jeunesse, mais pas leur femme.

Je me souviens d’un grand-père de mon entourage que les enfants avaient baptisé « Papète gros os », à cause de ses grosses mains calleuses d’ancien tonnelier.

Lorsqu’il avait un coup dans le nez, il se mettait à chanter toujours le même refrain, exceptionnellement en français s’il vous plaît ! C’est bien la preuve qu’il avait ramené cette chanson du front :

« L’eau qui mouille la grenouille n’a jamais mouillé mes dents,

  J’aime mieux qu’elle me mouille le dehors que le dedans ».*

Dans la période que nous vivons, avec cette guerre en Ukraine qui commence à se faire longuette, et pour ne parler que de ce qui nous touche de près, on peut s’interroger plus que jamais sur les dégâts indélébiles des guerres.

Tout faire pour que le sale temps ne revienne pas, et surtout que ceci ne reste pas un vœu pieux.

               $$$$$$$

*Refrain retrouvé dans le livre L’oustal de mon enfance, de Norbert Calmels, né en 1908 et mort en 1985. Il raconte que lorsqu’il travaillait dans ses champs, un berger qui le croisait en gardant ses moutons, avait pris l’habitude de lui chanter cette petite ritournelle.

woman and child grayscale photo

0 commentaires

Soumettre un commentaire

Votre adresse e-mail ne sera pas publiée. Les champs obligatoires sont indiqués avec *

Ce site utilise Akismet pour réduire les indésirables. En savoir plus sur comment les données de vos commentaires sont utilisées.