L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 13 de novembre de 2024
SUSPRESA
Uòi de matin, tre dobrir la fenèstra, lo cèl me fa un bèl present. Seriá mon anniversari ? Non pas encara ; nos anam pas far vièlhs a l’avança !
Dins un cèl gris, un pauc tròp a mon gost, d’un còp, a l’èst, vaquí una traucada d’una color indicibla, que se podriá dire gaireben « gal de ròca », encara que rossege mai qu’aquò, e que siá fluò. Es magic !
E òm pòt seguir lo trajèct del solelh que finís per trapar son camin ; nos vendrà lèu saludar francament e calorosament.
Mas dins lo moment, aquela taca de color tan rara, daissa aparéisser dins son mitan un nívol mascarat en fantauma. Seriá per apaurir los enfantons ? Perdut ! que lo nívol a pres la forma del brave fantauma « Artús » lo Justicièr. E se nos èra enviat per metre un pauc d’òrdre aicí-debàs, que n’avèm pro besonh ?
E de l’autre costat de l’ostal, coma se presenta aquela jornada ? Suspresa ! Lo cèl se parteja lo gris dels nívols e un blau que se podriá dire color dragèa suçada.
A qualques mètres d’escarts (que mon ostal es pas un castèl), dos espectacles diferents a la meteissa ora.
Tot aquò val ben una fòto. Lo temps de trapar lo telefonet, lo cèl a ja cambiat. Coma a son abitud es plen de fantasiá. Tè ! i a pas solament las femnas que sovent varian…
Fa pas res, planhi pas de m’èstre levada a l’alba e d’aver agut l’astre de profechar d’aquela vision talament efemèra !
Vòli préner aquò coma la promessa d’una bèla jornada.
E deman serà un autre jorn.
SURPRISE
Aujourd’hui, de bon matin, sitôt ouvrir la fenêtre, le ciel me fait un beau présent. Serait-ce mon anniversaire ? Non pas encore ; nous n’allons pas nous vieillir à l’avance !
Dans un ciel gris, un peu trop à mon goût, tout d’un coup, à l’est, voici une trouée d’une couleur indicible, qu’on pourrait dire « coq de roche », bien qu’elle rosisse davantage, e qu’elle soit fluo. C’est magique !
Et on peut suivre le trajet du soleil qui finit par trouver son chemin ; il viendra bientôt nous saluer franchement et chaleureusement.
Mais dans l’instant, cette tâche de couleur aussi rare, laisse apparaître en son milieu un nuage déguisé en fantôme. Serait-ce pour effrayer les enfants ? perdu ! car le nuage a pris la forme du gentil fantôme Arthur le Justicier. E s’il nous était envoyé pour mettre de l’ordre ici-bas, car nous en avons bien besoin ?
Et de l’autre côté de la maison, comment se présente cette journée ? Surprise ! Le ciel se partage le gris des nuages et un bleu qu’on pourrait qualifier de couleur de dragée sucée.
A quelques mètres d’écart (car ma maison n’est pas un château), deux spectacles différents à la même heure.
Tout cela vaut bien une photo. Le temps de retrouver le téléphone portable, le ciel a déjà changé. Comme a son habitude il est plein de fantaisie. Tiens ! il n’y a pas que les femmes qui souvent varient…
Ca ne fait rien. Je ne regrette pas de m’être levée à l’aube et d’avoir eu la chance de profiter de cette vision tellement éphémère !
Je veux prendre cela comme la promesse d’une belle journée.
Et demain sera un autre jour.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires