L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 5 de novembre de 2024
CATASTRÒFA EN ESPANHA
Estabosit, enfolesit, incredul, inquièt, despoderat…en colèra, mas pas resignat ; Es l’estat d’esperit del pòble espanhòl descobrissent l’amplor de la catastròfa que se ven d’abatre sus son país.
Coma un pauc de pertot sus la planèta, l’aiga a montat, montat, d’un biais inexorable, en particular dins la region de Valéncia.
Aqueste an (quand s’acabarà ne serem pas marrits) n’avèm vist d’inondacions, en França, fòrça, e alhors.
Aquí, un còp de mai, vesèm de mond espantats, qu’an tot perdut, de còps emai la vida per un o mai d’un membre de lor familha. E alara, a totes aqueles sentiments entremesclats se ven apondre la tristesa.
Çò que ven de se produsir en Espanha nos daissa sens votz. Pas solament en rason de la proximitat de nòstres dos paises, e encara mai la nòstra, gents del sud de França.
Es la dimension de la catastròfa – cal dire las causas per lor nom – qu’a ja entraïnat la mòrt de 200 personas, e mai. E d’autres mancan encara a l’apèl.
Atanben jamai meteissa solidaridat s’èra vista. De colomnas immensas de joines, mens joines, òmes, femnas, se metèron en marcha. Esperèron pas d’autorizacions oficialas per s’anar rendre utils, benlèu dins una bèla anarquia, mas amb per sol objectiu de solatjar e de secorrir lors compatriòtas. Se mainèron pas de possiblas novèlas e subtas alèrtas. Segur que veire arribar una armada de volontaris qu’escotèron sonque lor còr, aquò deguèt far grand ben als sinistrats.
Dins un fum d’endreches ges d’aiga potabla, ges d’electricitat, ges de noiridura e ges de telefòn, per poder dire a sa familha : sèm en vida …De veituras encastradas, engorgant las carrièras, de còps barrant l’intrada dels ostals. Un espectacle d’apocalipsi !
Alara, après aver ensajat de salvar lors pròches o lors vesins, amb mai o mens de succès, de salvar qualques afars dins d’ostals que faràn benlèu l’objècte de demolicions, après aver cercat de qué beure e manjar un pauqueton, après aver versat de lagremas tròp de temps retengudas, se son reversinat las margas per desencombrar las carrièras e las desbarrassar d’aquela aiga e d’aquela fanga pegosa.
Lo sentiment d’abandon per las autoritats ressentit, a tòrt o a rason, a reanimat la colèra, al punt de mancar de respècte envèrs lor rei e lor reina, venguts dins l’intencion lausabla de portar un pauc de reconfòrt a lor pòble macat. Foguèron aculhits per de ponhadas de fanga ! Quana umiliacion per lo coble reial. Aquò dich, cal pas doblidar que nòstres aujòls faguèron mai pièger a nòstres sobeirans…tant va l’orjòl a l’aiga…
Mas l’ora es pas a filosofar, e puslèu de veire, en demai dels pompièrs e autres secoristas que mercejarem pas jamai pro, çò que pòt èstre fach per ajudar nòstres vesins, e çò que caldriá faire – e subretot faire pas – per, a l’avenidor, se reconciliar amb la natura, en arrestant de la nafrar dins sa quita carn.
Cossí que siá, sembla que serà totjorn ela qu’aurà lo darrièr mot.
Trobat sus un site catalan.
CATASTROPHE EN ESPAGNE
Hébété, affolé, incrédule, inquiet, impuissant…en colère, mais pas résigné ; C’est l’état d’esprit du peuple espagnol en découvrant l’ampleur de la catastrophe qui vient de s’abattre sur son pays.
Comme un peu partout sur la planète, l’eau est montée, montée, d’une manière inexorable, en particulier dans la région de Valence.
Cette année (quand elle s’achèvera on n’en sera pas fâchés) nous en avons vu des inondations, en France, beaucoup, et ailleurs.
Ici, une fois de plus, nous voyons des gens ahuris, qui ont tout perdu, parfois même la vie pour un ou plusieurs membres de leur famille. Et alors, à tous ces sentiments entremêlés, vient s’ajouter la tristesse.
Ce qui vient de se produire en Espagne nous laisse sans voix. Pas seulement en raison de la proximité de nos deux pays, et encore plus la nôtre, gens du sud de la France.
C’est la dimension catastrophique – il faut appeler les choses par leur nom – qui a entraîné déjà la mort de 200 personnes et plus. Et d’autres manquent encore à l’appel.
Aussi jamais pareille solidarité ne s’était vue. Des colonnes immenses de jeunes, moins jeunes, hommes, femmes, se sont mis en marche. Ils n’ont pas attendu des autorisations officielles pour aller se rendre utiles, peut-être dans une belle anarchie, mais avec pour seul objectif de soulager et de secourir leurs compatriotes. Ils ne se sont pas souciés de possibles nouvelles et subites alertes. Il est sûr que voir arriver une armada de volontaires qui n’ont écouté que leur cœur, cela a dû faire grand bien aux sinistrés.
Dans beaucoup d’endroits, pas d’eau potable, pas d’électricité, pas de nourriture, et pas de téléphone pour pouvoir dire à sa famille : nous sommes en vie…des voitures encastrées, engorgeant les rues, parfois fermant l’entrée des maisons. Un spectacle d’apocalypse !
Alors après avoir essayé de sauver leurs proches ou leurs voisins, avec plus ou moins de succès, de sauver quelques affaires dans des maisons qui feront peut-être l’objet de démolissions, après avoir cherché à boire et manger un tant soit peu, après avoir versé des larmes trop longtemps contenues, ils se sont retroussé les manches pour désencombrer les rues et les débarrasser de cette eau et de cette boue collante.
Le sentiment d’abandon par les autorités ressenti, à tort ou a raison, a réanimé la colère, au point de manquer de respect envers leur roi et leur reine, venus dans l’intention louable d’apporter un peu de réconfort à leur peuple meurtri. Ils furent accueillis par des poignées de boue ! Quelle humiliation pour le couple royal. Ceci dit, il ne faut pas oublier que nos ancêtres ont fait bien pire à nos souverains…tant va la cruche à l’eau…
Mais l’heure n’est pas à philosopher, et plutôt de voir, en plus des pompiers et autres secouristes, que nous ne remercierons jamais assez, ce qui peut être fait pour aider nos voisins, et ce qu’il faudrait faire – et surtout ne pas faire – pour à l’avenir se réconcilier avec la nature, en arrêtant de la blesser dans sa propre chair.
Quoi qu’il en soit, il semble que ce sera toujours elle qui aura le dernier mot.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires