L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 5 d’octòbre de 2025
LO PACTÒLE
Sèm en Grècia. Lo « Pactòle » es un afluent del flume Herme, en Lídia, Turquia actuala. Vaquí per las presentacions.
Mas coma lo nom d’un flume devenguèt sinonime de riquesa ?
Tocar lo pactòle es un sòmi fach per mai d’un… abans de conéisser son istòria :
Un còp èra un rei, Midàs, rei de Frigia e pro rascàs, al punt que fasiá colleccion de tot çò qu’èra en aur, talament que l’oncle Picson, a costat d’el seriá passat per un degalhaire.
Levat aquò, lo rei Midàs èra pas tròp intelligent, emai finiguèt sa vida la tèsta jos una boneta que li amagava sas aurelhas d’ase. Mas èra pas tanpauc un maissant bogre.
Un jorn encontrèt lo satir Silène, vielh companh de Dionís. Silène èra bandat a clau, al punt de n’èstre malaute. Midàs lo prenguèt a son ostal ont lo gardèt un desenat de jorns per lo sonhar.
Aprenent aquò, Dionís lo convoquèt e li diguèt :
- Te mercege grandament per çò qu’as fach per Silène, e ara me pòs demandar tot çò que vòls.
La responsa foguèt rapida :
– Vòli que tot çò que tocarai venga d’aur !
Dionís :…segur ? !!
Midàs : òc-ben
Dionís amb un sospir : d’acòrdi, l’auràs volgut !
La jòia de Midàs èra sens bòlas : en qualques oras èra vengut benlèu l’òme lo mai ric de la Tèrra. Mas quand la talent li tiralhèt l’estomac e la set lo gosièr, Midàs portèt un fruch a sa boca, e d’un pauc mai n’auriá perdut sas dents, que lo fruch èra dur coma la pèira (o coma l’aur). Parièr per tot lo manjar e lo beure !
Alara, Midàs comprenguèt qu’anava morir.
Sa filha, avisada de son estat, venguèt li rendre visita, e vesent sa cara palòta e moqueta, volguèt lo préner dins sos braces per li testimoniar sa tendresa. Tròp tard ! Devenguèt sulpic dura coma la pèira, dura coma l’aur ! e moriguèt. Magnifica estatua d’aur, mas mòrta !
Midàs desesperat, comprenguèt qu’aquò veniá del don de Dionís, e se’n anant lo pregar de repréner aquel present empoisonat e de li rendre sa filha tant aimada en carn e en òsses.
Dionís, bon prince, compatiguèt a son chagrin, e esperant que la leiçon siaga pas doblidada, convidèt Midàs a s’anar plan lavar dins lo flume « Pactòle » per se desbarrassar de son aur ; çò que manquèt pas de faire lo Midàs, e per astre, sa filha tornèt venir a la vida, mas bèla que jamai.
Dempuèi se dit que lo flume « Pactòle » carreja de pampalhetas d’aur, d’aquí l’expression : tocar lo pactòle.
Coma dins tota istòria messorguièra, i a una morala a aquela de Midàs : es pèrdre son anma a voler petar pus naut que son cuòl, e voler ressemblar a totes aqueles sarrapiastras que, òm lo vei uòi, son pas lèstes a participar a l’esfòrç demandat a la nacion tota per faire societat, e ensajar de sortir d’aquela panada que nòstre país s’i es envescat.
LE PACTOLE
Nous sommes en Grèce. Le Pactole est un affluent du fleuve Herme, en Lydie, Turquie actuelle.
Voici pour les présentations.
Mais comment le nom d’un fleuve est-il devenu signe de richesse ?
Toucher le pactole est un rêve fait par plus d’un…avant de connaître son histoire.
Il était une fois un roi, Midas, roi de Phrygie et très radin, au point qu’il collectionnait tout ce qui était en or, tellement qu’à côté l’oncle Picsou serait passé pour quelqu’un de prodigue.
Cela mis à part, le roi Midas, s’il n’était pas très intelligent, du reste il a fini sa vie la tête sous un bonnet qui lui cachait ses oreilles d’âne, n’était pas un mauvais bougre .
Un jour il rencontra le satyre Silène, vieux compagnon de Dionysos . Silène était saoul au point d’en être malade. Midas le prit à sa maison ou il le garda une dizaine de jours pour le soigner.
Apprenant cela, Dionysos le convoqua et lui dit :
-Je te remercie grandement pour ce que tu as fat pour Silène, et maintenant tu peux me demander tout ce que tu veux .
La réponse fut rapide :
-Je veux que tout ce que je touche devienne de l’or !
-Dionysos :…pour sûr ?!!
– Midas : oui .
– Dionysos avec un soupir : d’accord, tu l’auras voulu !
La joie de Midas était sans limites : en quelques heures il était devenu peut-être l’homme le plus riche de la Terre . Mais quand la faim lui tirailla l’estomac et la soif le gosier, Midas porta un fruit à sa bouche, et encore un peu il en aurait perdu ses dents, car le fruit était dur comme la pierre (ou comme l’or).
Alors Midas comprit qu’il allait mourir.
Sa fille, informée de son état, vint lui rendre visite, et voyant sa mine palôte et déconfite, voulut le prendre dans ses bras pour lui témoigner sa tendresse. Trop tard ! Elle devint tout de suite dure comme la pierre, dure comme l’or ! et elle mourut. Magnifique statue, mais morte !
Midas, désespéré, comprit que cela venait du don de Dionysos, et s’en alla le prier de reprendre ce cadeau empoisonné et de lui rendre sa fille tant aimée en chair et en os.
Dionysos, bon prince, compatit à son chagrin, et en espérant que la leçon ne soit pas oubliée, invita Midas à aller bien se laver dans le fleuve Pactole pour se débarrasser de son or ; ce que ne manqua pas de faire Midas, et par chance, sa fille revint à la vie, plus belle que jamais.
Depuis on dit que le fleuve Pactole charrie des paillettes d’or, d’où l’expression : toucher le pactole
Comme dans toute histoire mensongère, il y a une morale à celle de Midas : c’est perdre son âme à vouloir péter plus haut que son cul, et à vouloir ressembler à tous ces radins qui, on le voit aujourd’hui, ne sont pas près à participer à l’effort demandé à toute la nation pour faire société, et essayer de sortir de cette panade dans laquelle notre pays s’est englué.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires