L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 19 de novembre de 2024
Wasmannia Auropunctata
Vos passejant dins vòstre jardin per i culhir la darrièra ròsa de la sason, se d’un còp sentissètz una descarga electrica, podètz pensar que la ròsa se vòl pas daissar copar.
E ben non, es pas segur. Caldriá benlèu imputar aquela fissada a Dòna Wasmannia Auropunctata. Amb un nom parièr, seriá una nòva migranta ? S’es aquò, mèfi a sas ablacadas…
En vertat, es pas aquò. Çò qu’a pogut vos percutir coma s’aviatz meses los dèts dins una presa de corrent, es una formigueta, la plan nomenada « formiga electrica » o « pichòta formiga de fuòc ».
Es un present vengut d’America del Sud, que se reprodusís amb alegrança jos nòstras latitudas.
En França, foguèt vista pel primièr còp dins lo bèl departament de Var, e s’i plai e si complai. (m’estonas !).
E de que nos resèrva aquela formigueta dins l’avenir ?
Se ditz qu’en Nòva Caledònia per exemple, dins los endreches ont la bestiòta a pres lo dessús, lo mond entendon pas pus los insèctes e los aucèls. Siá son estats vencuts per ela, siá se son enanats cap a d’airals mai aculhents ; pel moment.
A saupre coma se passa per las culturas ? Aurem d’astre s’es pas vegetariana. Mas pel moment ne sabi pas mai.
Per contra, amb la crisi de l’energia que venèm de conéisser, seriá estonant que qualque saberut agèsse pas pensat a lor demandar – cortèsament vos prègui– se podrián pas, en s’amassant faire quicòm per nosautres, nos fornissent un pauc, se possible a gratis, un pauc d’electricitat. Aquò vendriá mai a compte que de construire de nòvas centralas a energia nucleara…
Mas vaquí mon sòmi ja envolat : apreni que l’Union Europença m’a davançada, classant en 2022 las blondas formiguetas dins la tièra de las « espècias exoticas, envasissentas e pensamentosas ». Vòl dire que « pòdon pas èstre importadas, abalidas, transportadas, comercializadas o deslargadas intensionalament dins la natura, aquò dins l’U.E. tota ».
S’es antau, las anam menaçar de lor faire engolir una bona punhada de pesticidis, qu’avèm un bon saupre-far en la matèria, fins que prenguèsson lors cambas a lor còl, e s’enanèsson cap a d’autras planetas.
E per un còp farem mentir lo provèrbi : non, avèm pas totjorn besonh d’un mai petit que se.
Wasmannia Auropunctata
En vous promenant dans votre jardin pour y cueillir la dernière rose de la saison, si tout d’un coup vous sentez une décharge électrique, vous pouvez penser que la rose ne veut pas se laisser couper.
He bien non, ce n’est pas sûr. Il faudrait peut-être imputer cette piqure à Dame Wasmannia Auropuntata. Avec un nom pareil, serait-ce une nouvelle migrante ? si c’est le cas, mèfi à ses abattis…
En vérité ce n’est pas ça. Ce qui a pu vous percuter comme si vous aviez mis les doigts dans une prise de courant, c’est la petite fourmi, la bien nommée « fourmi électrique » ou encore « petite fourmi de feu ».
C’est un cadeau d’Amérique du Sud, qui se reproduit avec allégresse sous nos latitudes.
En France, elle a été vue pour la première fois dans le beau département du Var, et elle s’y plait et s’y complait. (tu m’étonnes!).
Et que nous réserve cette petite fourmi dans l’avenir ?
Il se dit qu’en Nouvelle-Calédonie part exemple, dans les endroits où la petite bête a pris le dessus, les gens n’entendent plus les insectes et les oiseaux. Soit ils ont été vaincus par elle, soit ils sont partis vers des contrées plus accueillantes ; pour le moment.
A savoir comment cela se passe pour les cultures ? Nous aurons de la chance si elle n’est pas végétarienne. Mais pour le moment je n’en sais pas plus.
Par contre, avec la crise de l’énergie que nous venons de connaître, ce serait étonnant que quelque savant n’ait pas pensé à leur demander – poliment s’il vous plaît – si en se regroupant, elles pourraient faire quelque chose pour nous, en nous fournissant, gratuitement si possible, un peu d’électricité. Cela reviendrait mieux à compte que la construction de nouvelles centrales nucléaires.
Mais voilà mon rêve déjà envolé : j’apprends que l’Union Européenne a pris les devants, en classant en 2022 les blondes petites fourmis dans la liste des « espèces exotiques, envahissantes et préoccupantes ». Cela veut dire « qu’elles ne peuvent pas être importées, élevées, transportées, commercialisées ou libérées intentionnellement dans la nature, cela dans toute l’U.E ».
S’il en est ainsi, nous allons les menacer de leur faire avaler une bonne poignée de pesticides, car nous avons un bon savoir-faire en la matière, jusqu’à ce qu’elles prennent leur jambe à leur cou et s’en aillent vers d’autres planètes.
Et pour une fois nous ferons mentir le proverbe : non, nous n’avons pas toujours besoin d’un plus petit que soit.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires