L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 8 de febrièr de 2026
AJUDA !
Aquesta passa, vesèm ben que lo Domenge, de l’I.E.O. d’Erau, se fa de laguis.
Nòstras instàncias de lenga occitana son a la pena.
Las subvencions se restrenhon, las autras intradas de moneda, coma la crompa de libres e autras objèctes son pas totjorn la prioritat de mond que se devon desbrolhar per boclar las fins de meses.
Parièr per los escotissons, que cal faire un carrairon per los encaissar.
Alara, se cal copar lo cap per trobar d’aderents novèls, donc de ressorsas novèlas, tot en partejant mai largament nòstre bèl patrimòni.
Per aquò vos prepausi una idèa que val çò que val :
Per astre, uòi, que vòstre despanaire s’es pas tròp fach desirar, vos vaquí dins de bonas disposicions, un còp lo trabalh acabat, per li ofrir l’aperitiu.
E la conversacion se debana, se parla de tot e de res, de la familha, del mestièr, dels marrits pagaires, de nòstres lésers…
Anem, lo veire es voide, e la botelha de pastís a portada de man. Val pas partir sus una camba coma se ditz, e lo despanaire a lo còl sec…e de 2.
Puòi nos volèm pas mostrar rascós !
Sembla que se plai a vòstre ostal lo despanaire, deu pas èstre talament esperat al sieu.
Òm charra, òm charra…aquò aiguisa la set…e de 3.
Lo tipe es coma a son ostal. E son veire, ont n’es ? encara voide, e la botelha de pastís es pas luònh d’èstre dins lo meteis estat. Tè, vos ne vai desbarrassar …e de 4 !
Ai ! las riscas del mestièr !
Mas vos diretz qu’avètz pas perdut vòstre temps, que al quatren pastís, lo tipe es lèste per apréner l’occitan (cal creire que li avètz plan vendut).
Es pas un biais simpatica de trobar d’aderents novèls aquò ?
Per contra, se me pòdi vos bailar un pichòt conselh, mandatz un còp d’uòlh (de Buòu) sus sa camioneta. E se un jorn la vesètz anar en direccion de Montpelhièr, anatz pus lèu del costat de Besièrs, emai agèssetz pas res a i fotre…
A L’AIDE !
En ce moment, nous voyons bien que Domenge, de l’I.E.O. de l’Hérault, se fait du souci.
Nos instances de langue occitane sont à la peine.
Les subventions rétrécissent, les autres rentrées d’argent, comme l’achat de livres ou autres objets ne sont pas toujours la priorité de gens qui doivent se débrouiller pour boucler les fins de mois.
Idem pour les cotisations, pour lesquelles il faut s’y prendre à plusieurs fois pour les encaisser.
Alors, il faut se creuser la tête pour trouver de nouveaux adhérents, donc de nouvelles ressources, tout en faisant partager plus largement notre beau patrimoine.
Pour cela, je vous propose une idée qui vaut ce qu’elle vaut :
Par chance, aujourd’hui alors que votre dépanneur ne s’est pas trop fait désirer, vous voilà dans de bonnes dispositions, une fois le travail terminé, pour lui offrir l’apéritif.
Et la conversation se déroule, on parle de tout et de rien, de la famille, du métier, des mauvais payeurs, de nos loisirs…
Allons le verre est vide, et la bouteille de pastis à portée de main. Il ne va pas partir sur une jambe, comme on dit, et le dépanneur a soif…et de 2.
Puis nous ne voulons pas nous montrer radins !
Il semble se plaire à votre maison le dépanneur, il ne doit pas être tellement attenu à la sienne.
On parle, on parle…cela aiguise la soif…e de 3.
Le gars est comme à sa maison. E son verre où en est-il ? encore vide, et la bouteille n’est pas loin d’être dans le même état. Tiens je vais vous en débarrasser…et de 4 !
Aïe les risques du métier !
Mais vous vous direz que vous n’avez pas perdu votre temps car au quatrième pastis, le gars est prêt à apprendre l’occitan (il faut croire que vous le lui avez bien vendu).
N’est-ce pas une manière sympathique de trouver de nouveaux adhérents, ça ?
Par contre, si je peux vous donner un petit conseil, jetez un coup d’œil sur sa camionnette. Si un jour vous la voyez se diriger vers Montpellier, allez plutôt du côté de Béziers, même si vous n’avez rien à y faire…
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires