L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 13 de març de 2026
LA LUNA
Fa un brave moment que çò que nos mòstra la tan bèla planeta Tèrra, es pas son melhor. Encara que i siaga pas per grand causa, pecaire ! Entre autres eveniments, son las guèrras a repeticion que nos inquietan ; e ja lo primièr soldat francés mòrt en Orient-Mejan.
De còps avèm l’enveja de préner las cambas a nòstre còl, e avanti ! Pasmens çò que s’i passa es pas de son fach, mas ben del nòstre.
Alara, ont anar ?…i auriá ben la Luna, mas los qualques unes que i son anats i tornan pas per lors vacanças… I deu aver una rason…o mai d’una.
Mas per simple curiositat, òm pòt cercar a la conéisser un pauc :
La distància : dins los 384 400 km de la Tèrra. Es pas la pòrta a costat.
La superficia : 37 871 220, 85 km2.
Fa sa revolucion en 27 jorns, 7 oras e 43 mn, a l’aviadesa de 1,022 km/segonda.
E subretot sa temperatura es pas compatibla amb nòstres organismes : de – 233° a + 123° (la mejana : -73°) ; atal pòt èstre tranquilla (coma lo nom de sa mar de la Tranquillitat). Cossí que siá, es irrespirabla, e son atmosfèra es negligibla.
La Luna, nòstre satellite, nascuda fa 4,51 miliards d’annadas, a l’atge, a quicòm pròche, de la Tèrra, e s’es formada amb de brisum que venián d’ela.
Es verificat qu’influéncia las marèas, e ajuda a l’estabilizacion de l’enclinason de l’axe terrèstre.
Una curiositat : nos pòt faire la suspresa d’una eclipsa parciala, o totala, quand se sembla maridar amb lo solelh. Aquel, s’es 400 fes mas gròs qu’ela, n’es 400 fes mai alunhat ; çò que dona l’impression que son de la meteissa talha quand son perfièchament alinhats.
Ne sabèm de causas sus la Luna, e aquò es un agach modèste.
Cal dire que ja, en 1959, los Russes organizèron una mission plan nommada « Luna », e los americans la mission « Apollo ». Aqueles dos grands païses se liuravan a una competicion ferotja .
Après de revèrses escosents, amb pèrdas d’òmes, en 1969, l’eveniment !!! un equipatge de dos astronautes americans es en capacitat de tocar lo sòl de la Luna.
Neil Armstrong aurà lo privilègi d’i daissar son emprenta per l’eternitat : « Un pichon pas per l’Òme, un grand pas per l’Umanitat ». Tot lo mond se remembra d’aquela frasa, ausida en dirècte dins lo mond entièr, mercé la television (encara en negre e blanc)… son companh Buzz Aldrin, es constrench de demorar clavat dins lor engin. Cal ben qualqu’un per gardar l’ostal, e s’assegurar del retorn sus Tèrra. Òm imagina sa frustacion !
Puòi, fins en 1972, 10 autres astronautes anèron i faire lor mercat de calhaus ; n’ i a que serián totjorn a l’estudi.
Mas nosautres, paures Umans, es pas atal que la vesèm la Luna : es un bèl astre que nos mòstra al grat de sa fantasiá, un bèl retalh, o encara sos diferents quartièrs, e enfin entièra (segon sa corsa, es evident). Es tan bèla quand es rossèla !
E nos plai d’i trobar de vertuts, o al contrari de marrits presagis. Ne cal parlar amb los ortalièrs.
Lo ser, barrant nòstres contravents, levam los uòlhs per la saludar. Fa partida de nòstre univèrs, tronant al mitan d’una miriada d’estèlas ; los mai apassionats veson dans un cèl clar d’autres astres que nos semblan minuscules tant son alunhats de nòstra Tèrra. D’unes nos seran benlèu accessibles un jorn…
En esperant, nos contentam de soscar coma Peiròt e Colombina – amai que lo Peiròt se la voliá maridar la Luna – en daissant nòstra imaginacion córrer, e nos preparar a una bona e bèla nuòch*.
E deman serà un autre jorn.
- Se solament aquò podiá fonccionar a cada còp !
LA LUNE
Voilà un bon moment que notre si belle Terre ne nous montre pas ce qu’elle a de meilleur, encore qu’elle n’y soit pas pour grand-chose, pauvrette ! Entre autres événements, ce sont les guerres à répétition qui nous préoccupent ; et déjà le premier soldat français mort au Moyen-Orient.
Parfois nous avons envie de prendre nos jambes à notre cou et en avant. Pourtant ce qui s’y passe n’est pas de son fait, mais bien du nôtre.
Alors, où aller ?…il y aurait bien la Lune, mais les quelques uns qui y sont allés n’y sont pas retournés pour y passer leurs vacances…Il doit y avoir une raison…ou plus d’une.
Mais par simple curiosité, on peut chercher à la connaître un peu :
La distance : dans les 384 400 km de la Terre. Cd n’est pas la porte à côté.
La superficie : 37 871 220, 85 km.
Elle fait sa révolution en 27 jours, 7 heures et 43 mn, à la vitesse de 1,022 km/seconde.
Et surtout, sa température n’est pas compatible avec nos organismes : de – 233° à + 123 (la moyenne, – 73) ; ainsi elle peut être tranquille comme le nom de sa mer de la Tranquillité). Quoi qu’il en soit, elle est irrespirable, et son atmosphère est négligeable.
La Luna, notre Satellite, née il y a 4,51 milliards d’années, a l’âge, à quelque chose près de la Terre, et s’est formée à partir de ses débris.
Il est vérifié qu’elle influence les marées, et elle aide à la stabilisation de l’axe terrestre.
Une curiosité : elle peut nous faire la surprise d’une éclipse partielle, ou totale, quand elle semble se marier avec le soleil. Celui-ci, s’il est 400 fois plus gros qu’elle, en est aussi 400 fois plus éloigné, ce qui donne l’impression qu’ils sont de la même taille quand ils sont parfaitement alignés.
Nous en savons des choses sur la Lune, et ceci en est un modeste aperçu.
Il faut dire que déjà, en 1959, les Russes ont organisé une mission bien nommée « Lune », et les américains la mission « Apollo ».
Ces deux grands pays se livraient à une compétition féroce.
Après des revers cuisants, avec pertes d’hommes, en 1969, l’événement !!! un équipage de deux astronautes américains est en capacité de toucher le sol de la Lune.
Neil Armstrong aura le privilège d’y laisser son empreinte pour l’éternité : « un petit pas pour l’Homme, un grand pas pour l’Humanité ». Tout le monde se souvient de cette phrase, entendue en direct dans le monde entier, grâce à la télévision (encore en noir et blanc)…son compagnon, Buzz Aldrin, est contraint de rester dans leur enfin. Il faut bien quelqu’un pour garder la maison, et s’assurer du retour sur Terre. On imagine sa frustration !
Puis, jusqu’en 1972, 10 autres astronautes sont allés y faire leur marché de cailloux ; certains seraient encore à l’étude.
Mais nous, pauvres humains, ce n’est pas comme ça que nous la voyons la Lune : c’est un bel astre qui nous montre au gré de sa fantaisie, un beau croissant, ou encore ses différents quartiers, et enfin entière (selon sa course bien sûr). Elle est si belle quand elle est rousse !
Et il nous plaît d’y trouver des vertus, ou au contraire de mauvais présages. Il faut en parler avec les jardiniers.
Le soir, en fermant nos volets, nous levons les yeux pour la saluer. Elle fait partie de notre univers, trônant au milieu d’une myriade d’étoiles ; les plus férus voient dans un ciel clair d’autres astres qui nous semblent minuscules tant ils sont éloignés de notre Terre. Certains nous seront peut-être accessibles un jour…
En attendant, nous nous contentons de rêver comme Pierrot et Colombine – même que Pierrot voulait se la marier la Lune – en laissant notre imagination cavaler, et nous préparer à une bonne et belle nuit.*
Et demain sera un autre jour.
*Si seulement cela pouvait marcher à tous les coups !
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires