L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona Beaume, Mèsa lo 11 de setembre de 2026
LO VIN
Lo vin, bevenda di-vin-a als noms encantaires, coma « Plan de Dieu », « Baccús », Mitic », « Velós roge », e tant d’autres.
D’etiquetas que nos fan somiar e plenas de promessas, que seràn tengudas…o pas.
Veirem aquò a la tasta.
Aquesta an, òm pòt pas dire que las vinhas manquèron de calor, al punt que las vendémias son ja plegadas.
Mas i a un provèrbi que ditz :
« lo tròp e lo pauc gastan lo jòc ».
Per exemple, los champanhes, que lor gra a despassat los 13° autorizats, poiràn èstre comercialisats, solament mercé una derogacion. Mas coma serà dins l’avenidor se lo climat es totjorn capriciós ?
E tot pòt arribar, coma de vins tròp sucrats e mas dificils a maridar amb d’unes plats.
Valent a dire que sèm pas jamai contents.
Cadun farà son experiéncia pròpria, qu’es pas un gròs sacrifici de tastar de vin.
Çò segur es que lo vin existissiguèsse pas, lo caldriá inventar.
Mas n’i a un que nos a pas esperat, es lo Noè de la Bíblia, que d’après lo libre de la Genèsi, foguèt lo primier a cultivar la tèrra e plantar la vinha.
Aquò après lo deluvi…tanplan Noè n’aviá un confle de veire e de beure sonque d’aiga…
Cossí que siá, lo Noè a agut una rica idèa que foguèt pas jamai remesa en question.
Pasmens la vinha, talament dependanta dels azards del climat, procura fòrça laguis als viticultors.
Lo vin a sauput se rendre indispensable. Cossí apreciar un bon plat, cosinat amb tot l’amor de sa maire, o per un bon cosinièr qu’a pas causit son mestièr per azard, sens l’acompanhar d’un veiròt de bon vin ? Sacrilègi ! E se i a de vin dins la sauça, tan melhor : plaser doble !
Sens comptar que dins nòstra region, la vinha a fach viure de nombrosas familhas, e los viticultors… enfin çò que ne demòra, an sauput s’adaptar, amb de plants novèls, al gost dels amators, venguts mai exigents.
Los consumeires an la sapiéncia de ne beure mens, siá per lor santat, siá per la crenta de l’alcoòl-tèst e de la bèla multa que l’acompanha o la confiscacion del permés de menar. Per contra recèrcan la qualitat.
Aquò vòl pas dire que tot va plan per los viticultors, mas vos prègui, abandonetz pas !
Avèm una reputacion a téner, e volèm demorar lo païs del plan-manjar e del plan-beure (d’acòrdi amb moderacion).
E puòi es bon per lo moral.
LE VIN
Le vin, boisson di-vin-e aux noms enchanteurs, comme Plan de Dieu, Bacchus, Mythique, Velours rouge, et tant d’autres.
Des étiquettes qui nous font rêver et pleines de promesses, qui seront tenues…ou pas.
Nous verrons ça à la dégustation.
Cette année, on ne peut pas dire que les vignes ont manqué de chaleur, au point que les vendages sont déjà terminées.
Mais il y a un proverbe qui dit : le trop et le peu gâtent le jeu.
Par exemple, les champagnes, dont le degré dépasse les 13° autorisés, pourront être commercialisés seulement grâce à une dérogation. Mais qu’en sera-t-il à l’avenir si le climat est toujours aussi capricieux ?
Et tout peut arriver, comme des vins trop sucrés et plus difficiles à marier avec certains plats.
Ce qui revient à dire qu’on n’est jamais contents.
Chacun fera sa propre expérience, car ce n’est pas un gros sacrifice que de goûter au vin.
Ce qui est sûr, c’est que si le vin n’existait pas, il faudrait l’inventer.
Mais il y en a un qui ne nous a pas attendu, c’est Noé de la Bible, qui d’après le livre de la Genèse, a été le premier à cultiver la terre et à planter la vigne, cela après le Déluge…peut-être que Noé en avait assez de voir et de boire rien que de l’eau…
Quoi qu’il en soit, Noé a eu une riche idée qui n’a jamais été remise en question.
Pourtant la vigne, tellement dépendante des aléas du climat, procure beaucoup de soucis aux viticulteurs.
Le vin a su se rendre indispensable. Comment apprécier un bon plat, cuisiné avec tout l’amour de sa mère, ou par un bon cuisinier qui n’a pas choisi son métier par hasard, sans l’accompagner d’un petit verre de vin ? Et s’il y en a déjà dans la sauce, tant mieux : plaisir double !
Sans compter que dans notre région, la vigne a fait vivre de nombreuses familles, et les viticulteurs…enfin ce qu’il en reste, ont su s’adapter, avec de nouveaux plants, au goût des amateurs, devenus plus exigeants.
Les consommateurs ont la sagesse d’en boire moins, soit pour leur santé, soit par crainte de l’alcool test et de la belle amende qui va avec, ou le retrait du permis de conduire. Par contre ils recherchent la qualité.
Cela ne veut pas dire que tout va bien pour ls viticulteurs, mais s’il vous plaît, n’ abandonnez pas !
Nous avons une réputation à tenir, et nous voulons rester le pays du bien-manger et du bien-boire (d’accord, avec modération).
Et puis, c’est bon pour le moral
Vos agradèt aquela bilheta?
N’auretz aquí un pauc mai amb L'uòlh del buòu. En venda dins totas las bonas librariás.