L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 6 de junh de 2025
DOÇORS
I a de jorns, per pauc que los laguis quotidians nos daissen bufar, ressentissèm mai las causas que d’autres jorns.
De còp es quicòm que se viu sulpic, d’autres còps son de sovenirs que venon trepar vòstra memòria. Mas l’emocion es la meteissa.
De causas de la vida vidanta, coma veire una enfantona de dos ans se baissar fins al sol per sentir l’odor d’una margarida nana que sentís pas res…e i creire !
La doçor d’un bonbon panat coma lo fariá un dròtle. Lo medecin aviá dich de non pasmens. Que lo Diable l’empòrte aquel !
Uòi es un cèl que balança entre bèl e maissant temps jos una leugièra brisa. Vengut lo ser se vestit de colors irisadas assortidas d’un roge de fuòc, e acompanha lo solelh que va cabuçar dins una aiga apasimada.
L’odor de l’aire refresquit per una pluèja benfasenta, e que nos daissa devinar totes los tresaurs amagats de la tèrra.
La doçor d’un poton sincèr e espontanèu, pas lo d’un bonjorn/bonser ordinari.
La doçor de braces, que sián los de la mamà plens de tendresa, o los del paire tant fèrmes qu’òm s’i sentís en totala securitat…e los de son amorós que son pas de rèsta.
La doçor d’un amic que sentís mai que persona que uòi anam plan, o anam pas plan ; e son braç sus vòstra espatla, vos ensenha en dos o tres mots plan a prepaus, que parteja vòstra jòia o vòstra pena.
E que dire de la beutat d’una musiqueta captada a la ràdio ? Aquela l’auretz dins la tèsta tota la jornada. Una mena d’esperlongar lo plaser.
E que dire encara d’un filme vist a la television tant apassionant que (es una proësa) a pas capitat de vos endormir…
I en auriá tant de bons moments que se ne poiriá faire un libre.
Atanben, per uòi, parlarem pas de las dolors. Per ne saupre mai sus las dolors, sufís de se metre a l’escota dels mèdias, que son d’artistas en la matèria. N’auretz per vòstre argent.
Mas nosautres, uòi anam pas fonhar nòstre bonaür e aquela bèla armonia amb aquò…e deman serà un autre jorn.
DOUCEURS
Il y a des jours, pour peu que les soucis quotidiens nous laissent souffler, nous ressentons les choses plus que d’autres jours.
Parfois c’est quelque chose qui se vit sur l’instant, d’autres fois ce sont des souvenirs qui se hissent jusqu’à votre mémoire. Mais l’émotion est la même.
Des choses de la vie de tous les jours, comme voir une petite fille de deux ans se baisser jusqu’au sol pour sentir l’odeur d’une marguerite naine qui ne sent rien…et y croire !
La douceur d’un bonbon chapardé comme le ferait un enfant. Le médecin avait dit non pourtant. Que le Diable l’emporte celui-là !
Aujourd’hui c’est un ciel qui balance entre beau et mauvais temps sous une brise légère. Le soir venu il s’habille de couleurs irisées assorties d’un rouge de feu, et accompagne le soleil qui va plonger dans une eau apaisée.
L’odeur de l’air rafraîchi par une pluie bienfaisante, et qui nous laisse deviner tous les trésors cachés de la terre.
La douceur d’un baiser sincère et spontané, pas celui d’un bonjour/bonsoir ordinaire.
La douceur des bras, qu’ils soient ceux de la maman pleins de tendresse, ou ceux du père, si fermes qu’on si sent en totale sécurité…et ceux de son amoureux qui ne sont pas en reste.
La douceur d’un ami qui sent mieux que personne qu’aujourd’hui nous allons bien, ou nous n’allons pas bien ; et son bras sur votre épaule, il vous montre en deux ou trois mots bien à propos, qu’il partage votre joie ou votre peine.
Et que dire de la beauté d’une petite musique captée à la radio ? Celle-là vous l’aurez dans la tête toute la journée. Une manière de prolonger le plaisir.
Et que dire encore d’un film vu à la télévision si passionnant que (c’est une prouesse) il n’a pas réussi à vous endormir…
Il y en aurait tant de bons moments, qu’il s’en pourrait faire un livre.
Aussi, pour aujourd’hui, nous ne parlerons pas des douleurs. Pour en savoir un peu plus sur les douleurs, il suffit de se mettre à l’écoute des médias qui sont des artistes en la matière. Vous en aurez pour votre argent.
Mais nous, aujourd’hui nous n’allons pas gaspiller notre bonheur et cette belle harmonie…et demain sera un autre jour.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires