Lo conte del telefòn intelligent (2)

Resumit de l’article de la setmana passada:

En bicicleta, èri partit cap al Salagon mas lo telefòn intelligent m’envièt de  messatges plan curioses…

Seguida e fin .

 Preni d’aiga al grifol. Trapi un amic de la comuna e li conti çò que se passa. Es estabosit. A vist degun sus la plaça. E tornamai un messatge, en espanhòl ara :  « Dónde se va a Liausson por favor ? Gracias ! ». Vau devenir capbord !! Es un jòc ? Qu’es aquel « ase » que me tarabusta ?

Enfin ai decidat de far de bicicleta cal continuar. Rota estrecha a la sortida de Salasc mas lo lac es aquí, de mai en mai bèl. Dins las rufas de caminòls per marchar o far de V.T.T., las escrituras, dessenhs de peiras, tot aquò m’agrada fòrça. Cal quichar sus las pedalas per arrivar a Liausson, mas quina vista tornarmai ! Mangi un bocin, bevi un còp ! E ara trapar lo lac, es a dire anar a la basa nautica de Clarmont.

Los animators preparan de velièrs pichons, segurament per los dròlles que debutan. Me damne lo lac !

Demòri un momenton a espiar tot aquò ! e…tornarmai lo telefòn !  «  Qual  a distancia d’aquí Mas Aucèl ? » Ara de Portugués !  Vau venir fadat ! Es plan polit lo telefòn intelligent, mas  uèi commença de me conflar ! Lo barratge del Salagon. Preni de fotòs e bevi un còp ! Ara cal continuar. Arribi al Mas Aucèl, polit masatge. E ara ? Ai las cambas per continuar, de segur me caldrà tornar a l’ostal ! Coneissi plan la rota que l’ai facha mai d’un còp ! Es la nacionala que bordeja l’autorota A75.   E lo telefòn intelligent ? Pas de messatges ! Va plan ! Cap a Montadavala lo vilatge ! Passi Lodeva, lo solelh raja a onze oras del matin debuta de julhet ! Enfin, Montadavala, lo meu vilatge ! «  Òsca, siás plan arribat !  Adieu, ton amic Batiston ! » Batiston, Batiston de Colhonàs ! Sabiái plan qu’aquel numèro  lo coneissiái !

Soi plan aürós ! Ai fach una polida virada : lo torn del lac del Salagon!

Mercés a Batiston e al telefòn intelligent !

E cric e crac, ai plan pedalat, e cric e crac soi  plan crebat !