Nòvas literàrias a la tusta-limbusta (1)

Dins aqueles temps de tardor, ont cada autor-a fa córrer la pluma per aver le prèmi Goncort, vaquí quauquas nòtas que poiràn servir a l’edicion d’un Lagarda & Mistral, manual per l’ensenhament de las literaturas occitanas, francesas e internacionalas dins los licèus Calandreta e endacòm mai: 

- Qunes èran los ligams entre Omèr e Penelòpa?

- Socrata aimava plan lo picrat(a).

- En manjant una sietada de ceses, Ciceron inventèt lo carrat de l’ipotenusa.

- Es pas obligatòri de se sonar Alexandre per escriure en alexandrins.

- Omar Kayyam èra un tastavin de primièra.

- Dante escriviá coma un arrancaire de dents.

- Segur que Lluís Llach a legit las òbras de Ramon Llull!

- Bernat de Ventadorn foguèt lo primièr trobador a enregistrar sos cants sus disc.

- Alfrèd, Albèrt o Aquiles o A(...), qual pòt ben èsser lo pichon nom d’En Nonim?

- Val mai Francés Villon que Francés Fillon.

- Rutebeuf, la fòrça d’un taure!

- Al Clapàs, Rabelais crosèt Gargantuà, Gargamèla e Pantagruèl: fasiá 4 per jogar a la belòta e s’estancar dins los estanquets!

- Ronsard, totjorn a s’ocupar de sas ròsas!

- E belava, belava, belava, lo du Bellay!

- Sètz segurs que Montaigne jogava al SBUC?

- Sanchò Pançà pensava qu’a sa pança.

- Dòm Esquichòta: uèlhs de chòta.

- A la Dòna Sevinhé, li agradava mai d’escriure letras que d’anar relevar al vinhièr.

- Molièra bisquèt e visquèt a Pesenàs.

- Cornelha aviá una votz de gralha (d’autres dison: de graile???!)

- Se pòt pas dire que lo Racine age escrit pèças enrasigadas.

- Me parlètz pas de Voltaire: tot çò que finís per -aire…

- Lo Joan-Jaume Rousseau es un rèire-pepin de la Sandrina Rousseau.

- Qué lusissiá lo castèl de Chateaubriand!

- Lo capitani Fracassa, res non lo tracassa!

- Maupassant se diguèt qu’èra temps d’arrestar.

- George Sand, totjorn sandaletas e espardenhas!

- Lamartina escriguèt plan de libres autobiografics : Lamartina a l’escòla, Lamartina als camps, Lamartina a la mar,…

- Alfrèd de Vigny, mèstre en vinificacion

- L’Alexandre Dumas esitèt entre vendre 3 mosquetaris al prètz de 4 o soldar 4 mosquetaris al prètz de 3.

- Lo comte de Monte-Cristo menèt una vida dantesca.

- La comtessa de Segur aimava pas los penjals: autrament, se seriá sonada comtessa de Montsegur.

- La comtessa de Segur presava las cuèissas de rana, mas devenguèt pas Catarina Segurana.

- Victòr Hugo ganhèt plan de moneda mercé a l’escritura de Les Misérables.

- Demandèron pas al Victòr Hugò de tornar faire la carpenta de Nòstra-Dòna de París.

- Rimbaud refusèt d’avoar: « Es pas ieu que raubèri l’irange del mercand sul mercat d’Aurenja! »

- De Baudelaire: «Soi un Rimbaud warrior!»

- «Cresi que se’n crei, l’autre amont !»

- Balzac escriguèt tantes libres, mas numerotèt cadun Balzac 00.01

- Juli Vallès èra balès.

- Juli Verne fasiá penequet al pè d’un vèrnhe e somiava d’un torn del monde en 80 jorns, d’un viatge sus la luna o de 20 mila legas jos la mar.

- Alan-Fornièr celebrèt lo rugbí amb son libre Lo Grand Maul.

- Pochquina ganhava totjorn a la quina.

- Tchecòv èra mèstre en confiment de cerièras.

- Per magrir, Zolà se fasiá sesilhas d’assucador o de jacuzzi.

- L’Emili Zolà escriguèt las paraulas de la cançon de Leò Ferré: La the nana.

- L’Emili Zolà presava lo gorgonzolà.

- La Coleta amb son blat en èrba auriá pogut s’apariar amb lo Jaume de la Prada-verda.

Escrivassièr Roch

(de seguir)

N.B: Aquelas frasas an, en principi, cap de rapòrt amb la mendra vertat vertadièra.