L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 11 de mai de 2025
TOT ÇÒ QUE TOMBA DEL CÈL…
A saupre se tot çò que tomba del cèl es benesit ? Pas segur !
En aqueste moment precís, sabèm pas se la sonda russa « Còsmos 482 » es enfin arribada de son viatge de 53 ans dins l‘espaci.
Se deu espotir sus nòstra planeta o se negar en mar entre lo 10 e lo 11 de mai de 2025, es a dire totara.
Enviada dins l’Univèrs per los russes en 1972, la sonda aviá per mission d’anar escampar un uòlh sus Vènus.
Aquela planeta, tellurica coma la nòstra e sa bessona per la talha, es pas tròp luònta, mas quand mèmes barrutla a qualques 41 milions de km de nosautres. En mai sabèm qu’es pas abitabla.
La sonda a mancat son còp e dempuèi vira e revira a de reng a l’entorn de la Tèrra. Aquò per çò qu’una pana dins son pus naut estatge empachariá sa propulsion en defòra de son orbita.
Un moment seguida per los saberuts quand davalava, a desparegut e degun sap pas pus ont pòt èstre.
Se i a qualque rason de se far de laguís es que la « bèstia » pesa pas luònh de 500 kg ; emai se s’es partejada en 4 bocins, aquò comença de far.
Las probabilitats de la préner sul clòsc son infimas, mas vòl pas dire que son nulas…
Cal s’avisar atanben que se tròba en companhiá agradiva dins lo cèl. Dempuòi que la mòda es d’i enviar de satellites, òm estima que 30 000 tròces de mai de 10 cm se passejan, e d’unes tomban regularament pel nòstre sòl. Pòdon èstre dangieroses, sens parlar de la pollucion del cèl…
Darrièra novèla : la sonda poiriá èsser tombada endacòm mai dins l’Ocean Indian. Mas sembla que siá pas realament localizada.
Alara benlèu que lo melhor a far, tot coma los mèdias que ne parlan pas, es coma s’aquò existissiá pas. Es verai que i a de qué far amb la situacion actuala dins lo monde tot, de la mòrt del Papa Francés e la nominacion de son successor Leon XIV, a las guèrras que bolegan la planèta, de còps a nòstras pòrtas, etc.
Mas ieu soi coma Sant Tomas, cresi sonque çò que vesi, e dins l’espèr de ne saupre un pauc mai sus Còsmos 482, me vau arremicolar dins lo canton lo mai segur de mon ostal, e per anar d’una escorrida crompar ma bagueta, sortirai encasquetada, vaquí !
TOUT CE QUI TOMBE DU CIEL…
A savoir si tout ce qui tombe du ciel est béni ? Pas sûr.
En ce moment précis, nous ne savons pas si la sonde russe « Cosmos 482 » es enfin arrivée de son voyage de 53 ans dans l’espace.
Elle doit s’écraser sur notre planète ou se noyer en mer entre le 10 et le 11 mai 2025, c’est-à-dire maintenant.
Envoyée dans l’Univers par les russes en 1972, la sonde avait pour mission d’aller jeter un œil sus Vénus.
Cette planète, tellurique comme la nôtre et sa jumelle par la taille n’est pas très loin, mais elle vagabonde tout de même à quelques 41 millions de km de nous. En plus nous savons qu’elle n’est pas habitable.
La sonde a raté son coup et depuis elle tourne et retourne sans arrêt autour de la Terre. Cela parce qu’une panne dans son étage le plus haut aurait empêché sa propulsion en dehors de son orbite.
Un moment suivie par les savants au moment de sa descente, elle a disparu et personne ne sait où elle peut être.
S’il y a quelque raison de se faire du souci, c’est que la « bête » pèse pas loin de 500 kg ; bien qu’elle se soit partagée en quatre, cela commence à faire.
Les probabilités de la prendre sur la tête sont infimes, mais cela ne veut pas dire qu’elles sont nulles…
Il faut se rendre compte aussi qu’elle se trouve en charmante compagnie dans le ciel. Depuis que la mode est d’y envoyer des satellites, on estime que 30 000 morceaux de plus de 10 cm se promènent, et certains tombent régulièrement sur notre sol. Ils peuvent être dangereux, sans parler de la pollution du ciel…
Dernière nouvelle : la sonde pourrait être tombée quelque part dans l’Océan Indien. Mais il semble qu’elle ne soit pas réellement repérée.
Alors peut-être que le mieux est de faire, à l’image des médias qui n’en parlent pas, comme si cela n’existait pas. Il est vrai qu’il y a de quoi faire avec la situation actuelle dans le monde entier, de la mort du Pape François et la nomination de son successeur Léon XIV, aux guerres qui agitent la planète, parfois à nos portes, etc.
Mais moi je suis comme Saint Thomas, je ne crois que ce que je vois, et dans l’attente d’en savoir un peu plus sur Cosmos 482, je vais me pelotonner dans le coin le plus sûr de ma maison, et pour aller chercher en vitesse ma baguette, je sortirai casquée. Voilà !
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
0 commentaires