L’UÒLH DEL BUÒU
LA BILHETA DE L’IVONA DEL CERCLE OCCITAN DE MÈSA
Ivona BEAUME, Mèsa, lo 11 de genièr de 2025
Tot fuòc tot flama
Aquí s’agís pas de l’expression que mòstra d’estrambòrd e d’espontaneïtat per qualqu’un o per quicòm.
S’agís pas mai del filme de J.P. Rappeneau de 1982 ; òm pòt dire que i aviá sonque lo blanc dau pòrre, cadun dins son ròtle, coma Bunuel, Michel Berger, Yves Montant, Isabelle Adjani e Alain Souchon. Se mequinejava pas sus los mejans… Sovenir, sovenir…
Non, tot fuòc tot flama se pòt aplicar uòi als incendis desmesurats, que semblan voler pas jamai cedir malgrat l’arsenal mes en plaça per los amoçar, dins un país tant grand e tant ric qu’America.
Aqueste còp Dòna Natura se’n pren atanben als bèls quartièrs de Los Angeles (o dels Demònis), en California. Coma se l’Infèrn voliá tornar montar de sas prigondors per balajar dins un rogejament allucinant tot çò que se troba a sa portada. E aquò perdura dempuèi de jorns e de jorns.
E òc ! L’infortuna pòt tocar lo monde dels paures e lo dels rics. Aqueles s’an pas viscut coma de cigalas, se’n podràn relevar mai que d’autres d’aquel malaür.
Tant los uns coma los autres son estacats a lor patrimòni e a lors afars, mas çò que va representar lors pèrdas en dòlars aurà pas las meteissas consequéncias per totes.
Ne demòra que per delà los bastiments, cada objècte d’art o non, crompat d’un còp de còr, cada present recebut, cada joguina d’enfant, representa de sovenirs. Aqueles fan partida de la vida vidanta, e cadun aima de los veire a son entorn.
Mas çò que la melhora companhiá d’assegurança podrà pas jamai indemnisar, es çò que cadun viu o a viscut en cò d’el, dins son intimitat. La vida tota, lo bon e lo maissant, lo sovenir dels enfants qu’òm i vegèt créisser. Lo sovenir dels aujòls qu’òm se demanda s’es pas melhor que siagan ja partits per un autre mond, puslèu que viure aquel cataclisme.
Pasmens, es aquò lo vertadièr tresaur que cadun gardarà gelosament per el e los seus, e aquò se compta pas en moneda.
Qu’aquò poguèsse èstre un motor energic per se relevar e tornar començar, amb coratge, una vida nòva, una vida plena de promessas de jorns melhors per se e per los autres.
Tout feu tout flamme
Ici il ne s’agit pas de l’expression qui montre de l’enthousiasme et de la spontanéité pour quelqu’un ou pour quelque chose.
Il ne s’agit pas plus du film de J.P. Rappeneau de 1982 ; on peut dire qu’il y avait du beau linge, chacun dans son rôle, comme Bunuel, Michel Berger, Yves Montant, Isabelle Adjani et Alain Souchon. On ne lésinait pas sur les moyens…souvenir, souvenir…
Non, tout feu tout flamme peut être appliqué aujourd’hui aux incendies démesurés qui ne semblent pas vouloir lâcher prise malgré l’arsenal mis en place pour les éteindre, dans un pays aussi grand et aussi riche que l’Amérique.
Cette fois-ci Dame Nature s’en prend aux beaux quartiers de Los Angeles (ou Des Démons), en Californie. Comme si l’Enfer voulait remonter de ses profondeurs pour balayer dans un rougeoiement hallucinant tout ce qui se trouve à sa portée. Et cela perdure depuis des jours et des jours.
Et oui ! L’infortune peut toucher le monde des pauvres et celui des riches. Ceux-là, s’ils n’ont pas vécu comme des cigales, pourront se relever mieux que d’autres de ce malheur.
Les uns autant que les autres sont attachés à leur patrimoine et à leurs affaires, mais ce que va représenter leurs pertes en dollars n’aura pas les mêmes conséquences pour tous.
Il n’en reste pas moins que par delà les bâtiments, chaque objet d’art ou non, acheté d’un coup de cœur, chaque jouet d’enfant représente des souvenirs. Ceux-là font partie de la vie quotidienne, et chacun aime de les voir dans son entourage.
Mais ce que la meilleure compagnie d’assurance ne pourra jamais indemniser, c’est ce que chacun vit ou a vécu chez lui, dans son intimité. Toute la vie, le bon et le mauvais, le souvenir des enfants qu’on y a vu grandir. Le souvenir des anciens dont on se demande s’il n’est pas préférable qu’ils soient partis pour un autre monde, plutôt que de vivre ce cataclysme.
Pourtant, c’est cela le véritable trésor que chacun gardera jalousement pour lui et les siens, et cela ne se compte pas en argent.
Que cela puisse être un moteur énergique pour se relever et recommencer, avec courage, une vie nouvelle, une vie pleine de promesses de jours meilleurs pour soi et pour les autres.
Vos agradèt aquela bilheta?
N’auretz aquí un pauc mai amb L’uòlh del buòu. En venda dins totas las bonas librariás.
vostra Bilheta m’agrada plan.
cada setmana legiosi amb plaser.
Ai comprat vostre libre L’uòlh del buòu…de tria